न्यूझीलंड महिला क्रिकेट संघाने दक्षिण आफ्रिकेविरुद्धच्या तिसऱ्या एकदिवसीय सामन्यात ऐतिहासिक कामगिरी नोंदवली आहे. न्यूझीलंडची स्टार फलंदाज अमेलिया केर हिने नाबाद १७९ धावांची तुफानी खेळी करत आपल्या संघाला महिला एकदिवसीय क्रिकेटच्या इतिहासातील सर्वात मोठा यशस्वी पाठलाग करून दिला आहे. या विजयासोबतच न्यूझीलंडने भारतीय महिला संघाचा जुना विक्रमही मोडीत काढला आहे.
तिसऱ्या क्रमांकावर फलंदाजीला आलेल्या अमेलिया केरने सुरुवातीपासूनच आक्रमक पवित्रा घेतला. तिने अवघ्या १३९ चेंडूंमध्ये नाबाद १७९ धावा ठोकल्या. या खेळीत तिने २३ चौकार आणि १ षटकार लगावला. अमेलियाने ४९.४ षटकांत ३५० धावांचे लक्ष्य गाठून न्यूझीलंडला विजय मिळवून दिला. जर विजयासाठी अधिक धावांची गरज असती, तर अमेलियाने आज आपले दुसरे द्विशतकही पूर्ण केले असते, अशी चर्चा क्रिकेट वर्तुळात रंगली आहे.
या विजयापूर्वी महिला एकदिवसीय क्रिकेटमध्ये सर्वाधिक धावांचा यशस्वी पाठलाग करण्याचा विक्रम भारतीय महिला संघाच्या नावावर होता. मात्र, दक्षिण आफ्रिकेविरुद्ध ३५० धावांचे लक्ष्य गाठून न्यूझीलंडने आता हा नवा जागतिक विक्रम आपल्या नावावर केला आहे.
न्यूझीलंड आणि दक्षिण आफ्रिका यांच्यातील या मालिकेमध्ये अमेलिया केर सातत्याने उत्कृष्ट फॉर्मात आहे. या शतकापूर्वी तिने झिम्बाब्वेविरुद्धच्या मालिकेतही ७ गडी बाद करण्याचा आणि हॅट्ट्रिक घेण्याचा पराक्रम केला होता. अमेलियाच्या या अष्टपैलू कामगिरीमुळे न्यूझीलंड महिला संघाने जागतिक क्रिकेटमध्ये आपला दबदबा निर्माण केला आहे.
Web Summary : Amelia Kerr's unbeaten 179 powered New Zealand Women to a historic ODI victory against South Africa, achieving the highest-ever successful run chase in women's ODI history. They surpassed India's previous record, marking a significant milestone in women's cricket. Kerr's all-round performance solidifies New Zealand's dominance.
Web Summary : अमेलिया केर के नाबाद 179 रनों की बदौलत न्यूजीलैंड महिला क्रिकेट टीम ने दक्षिण अफ्रीका के खिलाफ वनडे में इतिहास रच दिया। उन्होंने महिला वनडे क्रिकेट इतिहास का सबसे बड़ा लक्ष्य हासिल किया और भारत का रिकॉर्ड तोड़ा। केर के प्रदर्शन ने न्यूजीलैंड की पकड़ मजबूत की।