ट्रेंट ब्रिज, आयसीसी वर्ल्ड कप 2019 : ऑस्ट्रेलियाविरुद्धचा सामना पाकिस्तानचा संघ जिंकता-जिंकता हरला. या सामन्यानंतर पाकिस्तानचा संघ ट्रोल व्हायला लागला आहे. त्याचबरोबर पाकिस्तानचा कर्णधार सर्फराझ अहमदवर बऱ्याच जणांनी सोशल मीडियावर खरमरीत टीकाही केली आहे.
पाकिस्तानचे शेपूट वळवळले, पण पराभवाने होरपळले
ऐनवेळी कच कशी खावी, याचा नमुना पाकिस्तानने ऑस्ट्रेलियाविरुद्धच्या सामन्यात दाखवला. ऑस्ट्रेलियाच्या 308 धावांचा पाठलाग करताना पाकिस्तानची सुरुवात चांगली झाली होती. पण 2 बाद 136 वरून त्यांची 7 बाद 200 अशी अवस्था झाली होती. त्यानंतर पाकिस्तानचे शेपूट वळवळायला लागले. यावेळी पाकिस्तान सामना जिंकू शकेल, असे वाटत होते. पण ऑस्ट्रेलियाच्या गोलंदाजांनी अखेर भेदक मारा करत संघाला 41 धावांनी विजय मिळवून दिला.
ऑस्ट्रेलियाच्या आव्हानाचा पाठलाग करताना पाकिस्तानच्या इमाम उल हक (53) बाबर आझम आणि मोहम्मद हफिझ यांनी संघाला चांगली सुरुवात करून दिली. पण कर्णधार सर्फराझ अहमदचा अपवाद वगळता अन्य मधल्या फळीतील फलंदाजांनी हाराकिरी केली. पण वहाब रियाझ (45) आणि हसन अली (32) या तळाच्या फलंदाजांनी दमदार फलंदाजी करत संघाचे आव्हान कायम ठेवले होते. सर्फराझने जबाबदारी घेऊन खेळ न केल्याने पाकिस्तानला हा सामना गमवावा लागला.
केकाळी ऑस्ट्रेलियाची बिनबाद 146 अशी भक्कम स्थिती होती. त्यावेळी ऑस्ट्रेलियाचा संघ साडे तिनशे धावांचा पल्ला सहज गाठेल, असे म्हटले जात होते. पण शतकवीर डेव्हिड वॉर्नर बाद झाल्यावर ऑस्ट्रेलियाचा डाव गडगडला आणि त्यांना 307 धावांवर समाधान मानावे लागले. पाकिस्तानचा वेगवान गोलंदाज मोहम्मद आमिरने पाच बळी मिळवत ऑस्ट्रेलियाच्या डावाला खिंडार पाडले.
पाकिस्तानने नाणेफेक जिंकत ऑस्ट्रेलियाला प्रथम फलंदाजीसाठी पाचारण केले. ऑस्ट्रेलियाच्या आरोन फिंच आणि वॉर्नर यांनी दमदार फलंदाजी करत 146 धावांची सलामी दिली. फिंच 82 धावांवर आऊट झाला, पण त्यानंतर वॉर्नरने संघाची जबाबदारी आपल्या खांद्यावर घेत शतक झळकावले. वॉर्नरने 11 चौकार आणि एका षटकाराच्या जोरावर 107 धावांची खेळी साकारली. वॉर्नरबाद झाला तेव्हा 37.5 षटकांत ऑस्ट्रेलियाची 4 बाद 242 अशी धावसंख्या होती. पण त्यानंतर मात्र ऑस्ट्रेलियाचा डाव गडगडला आणि त्यांना साडे तिनशे धावांचा पल्ला गाठता आला नाही.
आज ऑस्ट्रेलिया आणि पाकिस्तान यांच्यातील सामन्यात एक खास गोष्ट घडली. विश्वचषकात तर तब्बल 23 वर्षांनी ही गोष्ट घडल्याचे पाहायला मिळाले आहे. ही गोष्ट नेमकी कोणती, हे तुम्हाला माहिती आहे का...
पाकिस्तानने नाणेफक जिंकत ऑस्ट्रेलियाला प्रथम फलंदाजीसाठी पाचारण केले. ऑस्ट्रेलियाच्या आरोन फिंच आणि डेव्हिड वॉर्नर यांनी पाकिस्तानच्या गोलंदाजांचा समाचार घेत 146 धावांची सलामी दिली. विश्वचषकात तब्बल 23 वर्षांनी पाकिस्तानविरुद्ध एवढी दमदार सलामी पाहायला मिळाली. पाकिस्तानविरुद्ध 1992च्या विश्वचषकात वेस्ट इंडिजकडून 175 धावांची सलामी पाहायला मिळाली होती. त्यानंतर 1999 च्या विश्वचषकात इंग्लंडने पाकिस्तानविरुद्ध 147 धावांची सलामी दिली होती. त्यानंतर तिसरा क्रमांक ऑस्ट्रेलियाच्या फिंच आणि वॉर्नर यांचा लागतो.
वर्ल्ड कपमध्ये पाकिस्तानविरुद्ध झालेल्या शतकी सलामी
175* डेस्मंड हेन्स - ब्रायन लारा, मेलबर्न, 1992
147 आर स्मिथ - माइकल आथर्टन, कराची, 1996
146 डेव्हिड वॉर्नर - आरोन फिंच, टॉन्टन, 2019
132 गॉर्डन ग्रीनिज - डेस्मंड हेन्स, ओवल, 1979
115 ग्रीम फ्लावर - क्रिस टावरे, मँचेस्टर, 1983
Web Title: ICC World Cup 2019: Pakistan's team trolls after the defeat
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
