खासगी क्षेत्रातील 'या' मोठ्या बँकेने FD वरील व्याजदारात केले बदल, जाणून घ्या नवे दर...
नवी दिल्ली : खासगी क्षेत्रातील मोठी बँक असलेल्या अ‍ॅक्सिस बँकेने (Axis Bank) फिक्स्ड डिपॉझिटवरील (Fixed Deposit) व्याज दरात बदल केले आहेत. नवीन दर 18 मार्च 2021 पासून लागू झाले आहे. अ‍ॅक्सिस बँक 7 दिवस ते 10 वर्षांच्या विविध कालावधीसाठी एफडी (FD) ऑफर करते. (Axis Bank revises fixed deposit interest rates. check FD rates here)
या नवीन बदलानंतर अ‍ॅक्सिस बँकेकडून 7 दिवस ते 29 दिवसांदरम्यान मॅच्युअर होणाऱ्या एफडीवर 2.50 टक्के व्याज दिले जाणार आहे. तसेच, 30 दिवस ते 3 महिन्यांपेक्षा कमी कालावधीत मॅच्युअर होणाऱ्या एफडीवर 3 टक्के व्याजदर आणि 3 महिने ते 6 महिन्यात मॅच्युअर होण्याऱ्या एफडीवर 3.5 टक्के व्याज आहे.
सहा महिने ते 11 महिन्यात मॅच्युअर होणाऱ्या एफडीवर 4.40 टक्के व्याज अ‍ॅक्सिस बँक देत आहे. तर 11 महिने 25 दिवस ते 1 वर्ष 5 दिवसांच्या एफडीवरील व्याज दर 5.15 टक्के आणि 1 वर्ष 5 दिवसापासून 18 महिन्यांपेक्षा कमी एफडीचा व्याज दर 5.10 टक्के आहे.
याचबरोबर, अ‍ॅक्सिस बँक 18 महिने ते 2 वर्षाच्या मुदतीच्या ठेवींवर 5.25 टक्के व्याज देत आहे. अ‍ॅक्सिस बँक 2 वर्ष ते 5 वर्षाच्या दीर्घ मुदतीच्या ठेवींवर 5.40% आणि 5 वर्ष ते 10 वर्षांच्या कालावधीत मॅच्युअर होणाऱ्या एफडीवर 5.75% व्याज ऑफर करत आहे.
(BOI च्या ग्राहकांना अलर्ट! 21 एप्रिलपासून बंद होणार 'ही' सेवा, वाचा बँकेनं काय म्हटलंय?)
अ‍ॅक्सिस बँकेचे लेटेस्ट एफडी व्याज दर...
- 7 दिवस ते 14 दिवस – 2.50%
- 15 दिवस ते 29 दिवस – 2.50%
- 30 दिवस ते 45 दिवस – 3%
- 46 दिवस ते 60 दिवस – 3%
- 61 दिवस ते 3 महिन्यांपेक्षा कमी – 3%
- 3 महिने ते 4 महिन्यांपेक्षा कमी – 3.5%
- 4 महिने ते 5 महिन्यांपेक्षा – 3.5% कमी
- 5 महिने ते 6 महिन्यांपेक्षा कमी – 3.5%
- 6 महिने ते 7 महिन्यांपेक्षा कमी – 4.40%
- 7 महिने ते 8 महिन्यांपेक्षा कमी – 4.40%
- 8 महिने ते 9 महिन्यांपेक्षा कमी – 4.40%
- 9 महिने ते 10 महिन्यांपेक्षा कमी – 4.40%
- 10 महिने ते 11 महिन्यांपेक्षा कमी – 4.40%
- 11 महिने ते 11 महिने 25 दिवसांपेक्षा कमी – 4.40%
- 11 महिने 25 दिवस ते 1 वर्षापेक्षा कमी – 5.15%
- 1 वर्ष ते 1 वर्ष 5 दिवसांपेक्षा कमी – 5.15%
- 1 वर्ष 5 दिवस ते 1 वर्ष 11 दिवसांपेक्षा कमी – 5.10%
- 1 वर्ष 11 दिवस ते 1 वर्ष 25 दिवसांपेक्षा कमी – 5.10%
-1 वर्ष 25 दिवस ते 13 महिन्यांपेक्षा कमी – 5.10%
- 13 महिने ते 14 महिन्यांपेक्षा कमी – 5.10%
-14 महिने ते 15 महिन्यांपेक्षा कमी – 5.10%
- 15 महिने ते 16 महिन्यांपेक्षा कमी – 5.10%
- 16 महिने ते 17 महिन्यांपेक्षा कमी – 5.10%
- 17 महिने ते 18 महिन्यांपेक्षा कमी – 5.10%
- 18 महिने ते 2 वर्षांपेक्षा कमी – 5.25%
-2 वर्षे ते 30 महिन्यांपेक्षा कमी – 5.40%
-30 महिने ते 3 वर्षांपेक्षा कमी – 5.40%
- 3 वर्ष ते 5 वर्षांपेक्षा कमी – 5.40%
- 5 वर्ष ते 10 वर्ष – 5.75%
ज्येष्ठ नागरिकांसाठीचे एफडी दर
अ‍ॅक्सिस बँक (Axis Bank) ज्येष्ठ नागरिकांना निवडक मॅच्युरिटीवर जास्त व्याज देते. ज्येष्ठ नागरिकांना 7 दिवस ते 10 वर्षे मुदतीच्या ठेवींवर 2.5 ते 6.5 टक्क्यांपर्यंतचे व्याज मिळेल.
(गुंतवणूकदारांना कमाई करण्याची मोठी संधी, लवकरच Zomato कंपनी आणणार IPO; वाचा सविस्तर)
दरम्यान, यावर्षी जानेवारीमध्ये अ‍ॅक्सिस बँकेने 15 डिसेंबर 2020 किंवा त्यानंतर दोन वर्ष किंवा त्यापेक्षा जास्त कालावधीसाठी बुक केलेल्या नवीन किरकोळ मुदत ठेवी मुदतीपूर्वी बंद केल्याबद्दलाच दंड न आकारण्याची घोषणा केली. रिटेल ग्राहकांना लिक्विडिटीच्या अचानक गरजांची चिंता न करता दीर्घकालीन बचतीसाठी प्रोत्साहित करणे हा त्याचा हेतू आहे. ही सवलत नवीन एफडी (FD) आणि आरडीमध्ये (RD) उपलब्ध असणार आहे.