SBI Schemes: देशातील प्रमुख सरकारी बँक State Bank of India (SBI) आपल्या ग्राहकांसाठी फिक्स्ड डिपॉझिट (FD) योजनांवर आकर्षक व्याजदर देत आहे. सध्या बँक FD खात्यांवर ३.०५% ते ७.१५% पर्यंत व्याजदर देत असून, दीर्घकालीन गुंतवणुकीसाठी ही योजना फायदेशीर ठरत आहे.
SBIमध्ये FD खाते किमान ७ दिवसांपासून ते कमाल १० वर्षांपर्यंत उघडता येते. अल्पकालीन FD योजनांमध्ये ७ ते ४५ दिवसांसाठी सुमारे ३.०५% ते ३.६५% व्याज मिळते, तर ४६ ते १७९ दिवसांच्या कालावधीसाठी ४.९०% ते ५.५०% दरम्यान व्याज दिले जाते.
त्याचप्रमाणे १८० ते २१० दिवसांच्या FDवर ५.६५% ते ६.२५% पर्यंत व्याज मिळते. दीर्घकालीन म्हणजे ५ ते १० वर्षांच्या FD योजनांवर SBIकडून ६.०५% ते ७.१५% पर्यंत आकर्षक व्याजदर दिला जात आहे. वरिष्ठ नागरिकांसाठी हे दर आणखी फायदेशीर असून त्यांना जास्तीत जास्त सुमारे ७.०५% पर्यंत व्याज मिळू शकते.
या योजनांमधील परताव्याचा विचार केल्यास, ५ वर्षांच्या FDमध्ये ₹१,००,००० गुंतवणूक केल्यास सामान्य ग्राहकांना मुदतपूर्तीवेळी एकूण ₹१,३५,०१८ मिळू शकतात, ज्यामध्ये ₹३५,०१८ इतका व्याज समाविष्ट असतो. वरिष्ठ नागरिकांसाठी हीच गुंतवणूक केल्यास एकूण ₹१,४१,८२६ परतावा मिळू शकतो, ज्यामध्ये ₹४१,८२६ व्याजाचा समावेश असतो.
विशेष म्हणजे, अति वरिष्ठ नागरिकांसाठी हा परतावा आणखी वाढून एकूण ₹१,४२,५२४ इतका होतो, ज्यामध्ये ₹४२,५२४ इतके निश्चित व्याज मिळते. एकंदरीत, SBI च्याFD योजना सुरक्षित गुंतवणूक पर्याय म्हणून ओळखल्या जात असून, स्थिर आणि खात्रीशीर परतावा शोधणाऱ्या गुंतवणूकदारांसाठी त्या आकर्षक ठरत आहेत.