Ganesh Utsav 2025 | Ganapati Utsav 2025 | Gharcha Ganapati | Ganesh Chaturthi 2025 | गणेश चतुर्थी २०२५ | Puja | Aarti | Decoration | Darshan| Videos | Photos | Recipes

नाशिक : अनंत चतुर्दशीच्या मुहूर्तावर गुरुवारी (दि.११) लाडक्या बाप्पांना निरोप दिला जात आहे. या पार्श्वभूमीवर शहरातून सार्वजनिक गणेशोत्सव मित्रमंडळांच्या वतीने विसर्जन मिरवणूक काढण्यात येणार आहे. या पार्श्वभूमीवर पोलीस आयुक्तालयाकडून संपूर्ण शहरात दीड ते पावणेदोन हजार पोलिसांचा चोख बंदोबस्त तैनात करण्यात आला आहे. पूर्वसंध्येला पोलीस अधिकाऱ्यांसह कर्मचा-यांनी मिरवणूक मार्गावर संचलन केले.तसेच बॉम्ब शोधक नाशक पथकाकडून मिरवणूक मार्ग तपासणी केली जात आहे.तसेच शहरात मागील दहा दिवसांपासून सार्वजनिक गणेशोत्सवाचा उत्साह पहावयास मिळत होता. गुरुवारी गणेश विसर्जन असल्याने शहरात सर्वत्र बाप्पाला निरोप देण्यासाठी लगबग सकाळपासून दिसून येत आहे. पारंपरिक मार्गावरून दुपारी 12 वाजता काढण्यात येणारी मिरवणूक बघण्यासाठी नागरिकांची गर्दी लोटण्याची शक्यता आहे. वाकडी बारव ते म्हसोबा महाराज पटांगणापर्यंत चालणा-या विसर्जन मिरवणुकीत विविध गणेशोत्सव मंडळांसह ढोलपथक, लेजीम पथक सहभागी होणार आहेत. एकूण 21 सार्वजनिक गणेश मंडळांनी मिरवणुकीत सहभागी होण्यासाठी नोंदणी केली आहे.विसर्जन मिरवणूक शांततेत पार पडावी, तसेच शहरात सर्वत्र उत्साहात आणि शांततेत बाप्पाला नागरिकांना निरोप देता यावा, यासाठी पोलीस आयुक्त विश्वास नांगरे-पाटील यांच्या मार्गदर्शनाखाली बंदोबस्ताचे नियोजन करण्यात आले आहे. वाकडी बारव ते म्हसोबा पटांगण, बिटको चौक ते दारणा नदीपात्र आणि शिवाजी चौक ते दारणा नदी या मिरवणूक मार्गांवर पोलिसांचा चोख बंदोबस्त राहणार आहे. मिरवणूकमध्येसहभागी होणा-या वाहनांची प्रादेशिक परिवहन विभागाच्या वतीने तपासणी करण्यात आल्याचा दावा प्रशासनाने केला आहे.असा असेल बंदोबस्त:पोलीस उपआयुक्त- ४, सहायक पोलीस आयुक्त- ९, पोलीस निरीक्षक- ३२, उपनिरीक्षक- ११७, कर्मचारी- १,४७५, महिला कर्मचारी- ३३३, पुरु ष व महिला गृहरक्षक दलाचे जवान- ५८०, स्ट्रायिकंग फोर्स- ८ तुकड्या, राज्य राखीव दल- १ तुकडी, जलद प्रतिसाद पथक- १ तुकडी, दंगल नियंत्रण पथक- २ तुकड्या असा चोख पोलीस बंदोबस्त राहणार आहे.

Ganesh Mahotsav 2025 Celebration | गणेशोत्सव 2025 मराठी बातम्याFOLLOW

Ganesh mahotsav, Latest Marathi News

मुंबई :Lalbaugcha Raja 2019: लालबागच्या राजाला निरोप देण्यासाठी लोटला भक्तांचा जनसागर

महाराष्ट्र :Ganpati Visarjan 2019 LIVE Updates: 'पुढच्या वर्षी लवकर या' राज्यभरातून बाप्पांना निरोप

Ganesh Visarjan 2019 LIVE News : वाजत-गाजत गणेशोत्सव साजरा झाल्यानंतर आता आपल्या लाडक्या बाप्पाला निरोप देण्याची वेळ आली आहे. ... ...

पुणे :पुण्यात गणपती विसर्जना दरम्यान नदीपात्रात बोट उलटली; तिघांना वाचविण्यात यश

गणेश विसर्जनासाठी बोटीने नदीपात्रात गेले असताना बोट उलटल्याने तिघे जण पाण्यात पडले होते़. ...

पिंपरी -चिंचवड :विसर्जन मिरवणूक २०१९ : पिंपरी चिंचवडमध्ये भावपूर्ण वातावरणात घरगुती गणरायाला निरोप

पुणे :विसर्जन मिरवणूक २०१९ - पुण्याच्या गणेश विसर्जन मिरवणुकीतले तुम्ही '' हे '' पाहिलं का..?

पुणे :विसर्जन मिरवणूक : पुण्याच्या गणेश विसर्जन मिरवणुकीतील '' लक्षवेधी'' असे काही..!

पुणे :पुण्याची गणेश विसर्जन मिरवणूक पाहा ड्रोनमधून

नाशिक :नाशिकमध्ये विसर्जन मिरवणुकीसाठी दीड हजार पोलीस; बॉम्ब शोधक पथकाकडून मार्गाची तपासणी

शहरातून सार्वजनिक गणेशोत्सव मित्रमंडळांच्या वतीने विसर्जन मिरवणूक काढण्यात येणार आहे. ...