CCTV: आईसमोरच ६ वर्षाच्या चिमुकल्याचा खेळता-खेळता मृत्यू; पिपंरीतील दुःखद घटना
By ओमकार संकपाळ | Updated: July 6, 2022 19:25 IST2022-07-06T19:22:35+5:302022-07-06T19:25:30+5:30
पिंपरी चिंचवड शहरातील दुर्दैवी घटना..
CCTV: आईसमोरच ६ वर्षाच्या चिमुकल्याचा खेळता-खेळता मृत्यू; पिपंरीतील दुःखद घटना
पुणे :पिंपरी चिंचवड शहरात एक धक्कादायक घटना समोर आली आहे. एका ६ वर्षीय बालकावर ग्राइंडिंग मशीन पडल्याने त्याचा दुर्दैवी मृत्यू झाला आहे. ही घटना सांगवी परिसरात मंगळवारी दुपारी चार वाजण्याच्या सुमारास घडली आहे. याचे सीसीटीव्ही फुटेज आता समोर आले आहेत.
याबाबत अधिक माहिती अशी की, सांगवी परिसरात एक ६ वर्षीय चिमुरडा आपल्या आई सोबत फर्निचरच्या दुकानात आला होता. त्यावेळी त्याची आई दुकान मालकाशी बोलत असताना मुलगा ग्राइंडिंग मशीनच्या जवळ गेला आणि ग्राइंडिंग मशीनला फिट केले नसल्याने ती मशीन त्याच्या अंगावर पडली.
ग्राइंडर मशीन अंगावर पडल्याने सहा वर्षाच्या चिमुरड्याचा मृत्यू; पिंपरी चिंचवड परिसरातील घटना
— Lokmat (@lokmat) July 6, 2022
(ही दृश्यं विचलित करू शकतात)#pune#pimprichinchwadpic.twitter.com/8eg0478zvX
क्षणात मुलाच्या डोक्यावर गंभीर जखम झाल्याने तो बेशुद्ध झाला. त्याला आईने तात्काळ जवळच्या रुग्णालय दाखल केले. मात्र डॉक्टरांनी त्याला मृत घोषित केले. या घटनेने परिसरात हळहळ व्यक्त केली जातेय.
