अभिनेत्री शिल्पाचा पती राज कुंद्राच पॉर्नोग्राफीचा सूत्रधार; पुरवणी दोषारोप पत्रात ठेवला ठपका

By ऑनलाइन लोकमत | Published: September 16, 2021 05:36 AM2021-09-16T05:36:14+5:302021-09-16T05:36:59+5:30

राज कुंद्रासह त्याच्या साथीदारांविरोधात एक हजार ४६४ पानांचे दोषारोपपत्र दाखल करण्यात आले आहे.

actress Shilpa shetty husband Raj Kundra is a mastermind in pornography case pdc | अभिनेत्री शिल्पाचा पती राज कुंद्राच पॉर्नोग्राफीचा सूत्रधार; पुरवणी दोषारोप पत्रात ठेवला ठपका

अभिनेत्री शिल्पाचा पती राज कुंद्राच पॉर्नोग्राफीचा सूत्रधार; पुरवणी दोषारोप पत्रात ठेवला ठपका

Next

लोकमत न्यूज नेटवर्क

मुंबई : पॉर्नोग्राफी प्रकरणात अभिनेत्री शिल्पा शेट्टीचा पती राज कुंद्रासह त्याच्या साथीदारांविरोधात एक हजार ४६४ पानांचे दोषारोपपत्र दाखल करण्यात आले आहे. यात कुंद्रालाच मुख्य सूत्रधार ठरविण्यात आले आहे. 

मालमत्ता कक्षाने फेब्रुवारीमध्ये पॉर्न चित्रपट तयार करणाऱ्या टोळीचा पर्दाफाश केला. यात सुरुवातीला १ एप्रिल रोजी नऊजणांविरुद्ध तीन हजार ५२९ पानांचे आरोपपत्र दाखल केले. पुढे यात कुंद्रा याच्या विआन इंडस्ट्रियल इस्टेट कंपनीत व्यवस्थापकीय संचालक असलेल्या उमेश कामतच्या चौकशीतून कुंद्रा याचे अनेक राज बाहेर आले. मालमत्ता कक्षाने दिलेल्या माहितीनुसार, पॉर्न फिल्म रॅकेटच्या मुख्य सूत्रधाराचा शोध सुरू असताना ‘हॉटशॉट ॲप’चा कुंद्राच सूत्रधार असल्याचे आढळून आले. त्यानुसार कुंद्रासह साथीदार रायन थोर्पला १९ जुलै रोजी अटक करण्यात आली होती. 

कुंद्रा आणि रायनने अटक केलेल्या आरोपींशी संगनमत करून सिनेक्षेत्रात स्ट्रगल करणाऱ्या नवोदित तरुणींच्या आर्थिक परिस्थितीचा गैरफायदा घेऊन त्यांचे अश्लील चित्रीकरण केले. तसेच त्यांचे अश्लील व्हिडिओ हे वेबसाईट तसेच मोबाईल ॲप्लिकेशनवर अपलोड केले.
 

Web Title: actress Shilpa shetty husband Raj Kundra is a mastermind in pornography case pdc

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.

Open in app