"तिचे सासू-सासरेच प्रोड्यूसर आहेत, त्यामुळे..." पूजा बिरारीची फिरकी, सासूबाई सुचित्रा बांदेकरांनी वाजवल्या टाळ्या

आदेश आणि सुचित्रा यांचा मुलगा सोहमसोबत पूजाचं लग्न झालं. अशातच स्टार प्रवाह पुरस्कार सोहळ्यात सूत्रसंचालक अभिजीत खांडकेकरने पूजाची सासूबाईंसमोरच चांगली फिरकी घेतली. त्यावेळी पूजाची प्रतिक्रिया बघण्यासारखी होती.

स्टार प्रवाह परिवार पुरस्कार २०२६ पार पडला. या पुरस्कार सोहळ्यात स्टार प्रवाहवरील मालिकांमधील अनेक कलाकार सहभागी झाले होते. स्टार प्रवाहवरील काही मालिका आदेश बांदेकर- सुचित्रा बांदेकर यांनी प्रोड्यूस केल्या आहेत. आदेश-सुचित्रा यांची सून पूजा बिरारीही अभिनेत्री आहे. आदेश आणि सुचित्रा यांचा मुलगा सोहमसोबत पूजाचं लग्न झालं. अशातच स्टार प्रवाह पुरस्कार सोहळ्यात सूत्रसंचालक अभिजीत खांडकेकरने पूजाची सासूबाईंसमोरच चांगली फिरकी घेतली. त्यावेळी पूजाची प्रतिक्रिया बघण्यासारखी होती.अभिजीत खांडकेकर आणि अनुष्का सरकटे हे स्टार प्रवाह परिवार पुरस्कार सोहळ्याचं सूत्रसंचालन करत होते. त्यावेळी अभिजीत खांडकेकर पूजाला उद्देशून म्हणाला, ''आता तर काय बोलायची सोयच नाही, अगं तिचे सासू-सासरेच प्रोड्यूसर आहेत ना. त्यामुळे जरा काही बोललं, एक 'आदेश' आला तर माझ्या चेहऱ्याचं 'सुचित्र' बिघडेल, आणि मग मी जातोय हिमालयात 'सोहम mmm 'म्हणत.'' अभिजीत हे बोलत असताना पूजाची हसून हसून पुरेवाट झाली. ''अरे काय बोलतोय?'', असे हातवारे करुन पूजाची बोलतीच बंद झाली.

 पूजा-सोहमच्या लग्नाची चर्चाडिसेंबर २०२५ मध्ये कुटुंबीय आणि मित्र-मैत्रिणींच्या खास उपस्थितीत शाही थाटात पूजा आणि सोहम बांदेकरचं लग्न संपन्न झालं. लग्नमंडपात पूजाने घेतलेली खास एन्ट्री सर्वांचं लक्ष वेधून गेली. पूजा आणि सोहमच्या लग्नाचे फोटो आणि व्हिडीओ सोशल मीडियावर व्हायरल झाले होते. लग्नात उपस्थित असलेल्या पाहुण्यांनी फुलांच्या पाकळ्यांचा वर्षाव करुन या दोघांंचं स्वागत केलं. त्यानंतर विधीवत सोहम आणि पूजा लग्नबंधनात अडकले. एकूणच पूजा आता बांदेकर कुटुंबाची लाडकी सून झाली आहे.