उत्तम अभिनयकौशल्य आणि अभ्यासू अभिनेत्री म्हणजे गार्गी फुले-थत्ते. राजा रानीची गं जोडी, तुला पाहते रे, सुंदरा मनामध्ये भरली अशा कितीतरी गाजलेल्या मालिकांमध्ये गार्गी यांनी काम केलं आहे. विशेष म्हणजे निळू फुले यांची लेक आपल्या सहजसुंदर अभिनयातून प्रेक्षकांना कायमच आपलंसं करत असते. त्यामुळे तिच्या एन्ट्रीमुळे अनेक मालिका गाजतात. यामध्येच आता गार्गी स्टार प्रवाहवरील एका मालिकेत झळकणार आहेत.
'सिरीअल जत्रा' या इन्स्टाग्राम पेजवर एका मालिकेचा प्रोमो शेअर करण्यात आला आहे. यात या मालिकेत गार्गी थत्ते महत्त्वपूर्ण भूमिका साकारणार असल्याचं दिसून येत आहे. सध्या छोट्या पडद्यावर शुभविवाह ही मालिका गाजत आहे. मधुरा देशपांडे आणि यशोमन आपटे यांची मुख्य भूमिका असलेल्या या मालिकेत गार्गी थत्ते यांची एन्ट्री होणार आहे.
दरम्यान, आता या मालिकेतील सावित्रीचा आणि भूमीचा काय संबंध? ती नेमकी कोण आहे हे मालिका पाहिल्यावरच प्रेक्षकांना कळणार आहे.