मराठी मनोरंजन विश्वातून एक धक्कादायक बातमी समोर येत आहे. अभिनेता सचिन चांदवडेने (sachin chadwade) आत्महत्या केली आहे. सचिन हा २५ वर्षांचा होता. सचिनच्या आत्महत्येचं कारण अद्याप कळू शकलं नाही. परंतु या घटनेमुळे मराठी सिनेसृष्टीला मोठा धक्का बसला असून सचिनच्या कुटुंबावर शोककळा पसरली आहे. सचिनचा आगामी सिनेमा 'असुरवन' हा लवकरच प्रदर्शित होणार होता. परंतु सिनेमाचं रिलीज तोंडावर असताना सचिनने स्वतःचं जीवन संपवल्याने चाहत्यांनी हळहळ व्यक्त केली आहे.सचिन चांदवडे हा जळगाव जिल्ह्यातील उंदिरखेडे येथे राहणारा होता. अभिनयाची आवड असल्याने त्याने सिनेमात करिअर करण्याचा निर्णय घेतला. याशिवाय त्याने सॉफ्टेवेअर इंजिनिअरींगचं शिक्षण घेतलं असल्याने तो पुण्यातील आयटी पार्कमध्ये नोकरी करायचा. नोकरीतून वेळ काढत सचिनने विविध कलाकृतींमध्ये अभिनय केला. त्याने नेटफ्लिक्सवरील बहुचर्चित 'जमतारा २' वेबसीरिजमध्येही काम केलंय. याशिवाय कलावंत ढोल ताशा पथकात तो सक्रीय होता. जळगावमधील उभरता कलाकार म्हणून सचिनचं कौतुक व्हायचं. परंतु सचिनच्या आत्महत्येने सर्वांना चांगलाच धक्का बसलाय.
Web Summary : Marathi actor Sachin Chandwade, 25, died by suicide, shocking the entertainment industry. His upcoming film 'Asuravan' was soon to be released. Sachin, also a software engineer, acted in 'Jamtara 2'. The reason for his suicide is unknown, leaving family and fans in mourning.
Web Summary : मराठी अभिनेता सचिन चांदवडे, 25 वर्ष, ने आत्महत्या कर ली, जिससे मनोरंजन जगत में शोक की लहर है। उनकी आगामी फिल्म 'असुरवन' जल्द ही रिलीज होने वाली थी। सचिन, जो एक सॉफ्टवेयर इंजीनियर भी थे, ने 'जामतारा 2' में अभिनय किया। आत्महत्या का कारण अज्ञात है।