Join us
Daily Top 2Weekly Top 5

क्या बात है! 'महाराष्ट्राची हास्यजत्रा' फेम वनिता खरातने घेतलं हक्काचं घर, फोटो शेअर करत म्हणाली-

By देवेंद्र जाधव | Updated: November 29, 2025 09:45 IST

'महाराष्ट्राची हास्यजत्रा' फेम वनिता खरातची स्वप्नपूर्ती, हक्काचं घर घेतल्याने चाहत्यांनी केलं अभिनेत्रीचं अभिनंदन

'महाराष्ट्राची हास्यजत्रा' हा सर्वांचा लाडका कार्यक्रम. हास्यजत्रेतील अनेक कलाकारांवर प्रेक्षकांनी भरभरुन प्रेम केलं आहे. प्रत्येक कलाकराची अभिनयाची युनिक स्टाईल आणि प्रेक्षकांना हसवण्याचं  खळखळून टायमिंग या गोष्टीमुळे 'महाराष्ट्राची हास्यजत्रा' हा शो अल्पावधीत प्रेक्षकांचा आवडता शो बनला. याच शोमधील सर्वांची लाडकी अभिनेत्री वनिता खरातने हक्काचं घर घेतलं आहे. त्यामुळे चाहत्यांनी तिचं अभिनंदन केलं आहे. 

वनिताचं गृहस्वप्न साकार'कोळीवाड्याची रेखा' अशी ओळख असलेली अभिनेत्री वनिता खरातने हक्काचं घर घेतलं आहे. वनिताने घराची चावी असलेला फोटो शेअर करुन ही खास बातमी सर्वांना सांगितली. 'स्वप्नपूर्तीचा क्षण, घर' असं कॅप्शन देऊन वनिताने नवीन घराची किल्ली हातात ठेऊन खास फोटोशूट केलं आहे. वनिताने हे फोटो पोस्ट करताच चाहत्यांनी तिचं मनापासून अभिनंदन केलं आहे. 'ड्रीम कम ट्रू', 'स्वतःला दिलेलं गिफ्ट' असे हॅशटॅग वापरुन वनिताने हे फोटो शेअर केले आहेत.

नवीन घरात गृहप्रवेश करत असतानाच वनिताने दाराबाहेर 'शुभ लाभ' काढलेलं दिसतंय. मेघना एरंडे, आकांक्षा गाडे, प्रियदर्शिनी इंदलकर, अमेय बर्वे, योगिता चव्हाण, चेतना भाटे, नंदिता पाटकर अशा सर्व कलाकारांनी वनिताचं अभिनंदन करुन तिला शुभेच्छा दिल्या आहेत. वनिता खरात गेली अनेक वर्ष 'महाराष्ट्राची हास्यजत्रा'मधील लोकप्रिय अभिनेत्री आहे. वनिताने 'गुलकंद', 'कबीर सिंग' अशा विविध हिंदी-मराठी सिनेमांमध्ये अभिनय करुन स्वतःच्या अभिनयाची छाप पाडली आहे. वनिताची 'महाराष्ट्राची हास्यजत्रा'मध्ये ओंकार भोजने, गौरव मोरेसोबतची जोडी खास गाजली.

English
हिंदी सारांश
Web Title : Vanita Kharat of 'Maharashtrachi Hasyajatra' Buys Dream Home, Shares Photo

Web Summary : Vanita Kharat, celebrated for her role in 'Maharashtrachi Hasyajatra,' has achieved her dream of owning a home. Sharing a photo with the keys, she expressed joy, receiving congratulations from fans and colleagues. Vanita is known for her performances in films and her popular pairing with Onkar and Gaurav.
टॅग्स :वनिता खरातमहाराष्ट्राची हास्य जत्राटेलिव्हिजनटिव्ही कलाकारसुंदर गृहनियोजन