बॉलिवूडची 'फिटनेस आयकॉन' आणि ग्लॅमरस अभिनेत्री मलायका अरोरा (Malaika Arora) हिने बुधवारी तिचा ५२ वा वाढदिवस साजरा केला. तिच्या वाढदिवसानिमित्त चाहत्यांसोबतच अनेक बॉलिवूड सेलिब्रिटींनी तिला शुभेच्छा दिल्या. मात्र, सर्वांचं लक्ष वेधलं ते तिचा एक्स बॉयफ्रेंड अभिनेता अर्जुन कपूर (Arjun Kapoor) याने दिलेल्या शुभेच्छांनी. काय म्हणाला अर्जुन?
अर्जुन कपूरचा भावनिक संदेश
मलायका अरोरा आणि अर्जुन कपूर हे सहा वर्षांच्या रिलेशनशिपनंतर गेल्या वर्षी वेगळे झाले. ब्रेकअपनंतरही त्यांच्यातील मैत्रीचं नातं कायम असल्याचं अर्जुनच्या पोस्टवरून स्पष्ट झालं. अर्जुन कपूरने त्याच्या इंस्टाग्राम स्टोरीवर मलायकाचा एक सुंदर फोटो पोस्ट केला. हा फोटो पॅरिसमधील आहे, जिथे मलाइका आयफेल टॉवरच्या समोर पोज देताना दिसत आहे. या फोटोसोबत अर्जुनने लिहिलं की, “हॅप्पी बर्थडे मलायका... अशीच आयुष्यात भरारी घेत राहा. कायम हसत राहा आणि नेहमी नवीन गोष्टींचा शोध घेत राहा."
अर्जुनच्या या पोस्टने चाहत्यांचं लक्ष लगेच वेधून घेतलं. दोघांचं नातं आता तुटलं असलं तरी त्यांच्यात असलेला आदर आणि आपुलकी आजही कायम आहे, अशा प्रतिक्रिया चाहत्यांकडून व्यक्त होत आहेत.
मलाइका अरोरा सध्या तिच्या फिटनेस आणि फॅशनमुळे नेहमीच चर्चेत असते. अभिनयापेक्षा ती आता डान्स रिअॅलिटी शोमध्ये जज म्हणून जास्त सक्रिय आहे. नुकतीच ती 'थामा' (Thamma) या हॉरर कॉमेडी चित्रपटातील 'पॉयजन बेबी' या डान्स नंबरमध्ये दिसली होती. या चित्रपटामध्ये आयुष्मान खुराना आणि रश्मिका मंदाना मुख्य भूमिकेत आहेत. तर दुसरीकडे अर्जुन कपूर आपल्याला 'बॅड्स ऑफ बॉलिवूड' वेबसीरिजमध्ये विशेष भूमिकेत दिसला.
Web Summary : Malaika Arora celebrated her 52nd birthday, with ex-boyfriend Arjun Kapoor's heartfelt wish grabbing attention. Despite their breakup, Arjun's message highlighted their enduring friendship and respect. He wished her happiness and continued exploration.
Web Summary : मलाइका अरोड़ा ने अपना 52वां जन्मदिन मनाया, जिस पर एक्स-बॉयफ्रेंड अर्जुन कपूर की शुभकामनाओं ने ध्यान खींचा। ब्रेकअप के बावजूद, अर्जुन के संदेश ने उनकी दोस्ती और सम्मान को उजागर किया। उन्होंने उनकी खुशी और निरंतर खोज की कामना की।