Chinchwad Assembly Election 2024, Chinchwad Vidhan Sabha Election Results 2024 - Latest Marathi News | Chinchwad Assembly Election Result 2024 | चिंचवड विधानसभा निवडणूक निकाल 2024, ताज्या मराठी बातम्या | Maharashtra Election Results, Live Updates & Counting

गणपती बाप्पाचा गजर कोणी केला की समूहाने 'मोरयाsss' म्हणत री ओढली जाते. ही गणेशभक्ती आपल्याकडे परंपरेनेच आली असे म्हटले तरी अतिशयोक्ती ठरणार नाही. आबालवृद्धांना गणपती मोहून टाकतो आणि त्याचे दर्शन होताच आपण त्याच्यापुढे नतमस्तक होत 'मोरया' अर्थात नमस्कार करतो. परंतु या शब्दाचा अर्थ एवढा मर्यादित नाही. त्यामागे आणखी एक कथा जोडलेली आहे. कोणती ते पाहू... श्रीक्षेत्र मोरगाव हे श्रीगणेशाचे महत्त्वाचे स्थान आहे. ते महाराष्ट्रात पुण्याजवळ आहे. समर्थ रामदासस्वामी मोरगावच्या श्रीगणेशाच्या दर्शनास गेले. त्यांना श्रीगणेशाने साक्षात दर्शन दिले, त्याच ठिकाणी समर्थांनी सुखकर्ता दु:खहर्ता ही प्रासादिक आरती लिहीली. मोरगावच्या मयुरेश्वराचे परमभक्त गोसावीनंदन उर्फ मोरया गोसावी यांनी लिहिलेली 'सिंदुर लाल चढायो, अच्छा गजमुखको' ही हिंदी भाषेतील आरती व 'नाना परिमळ दुर्वा, शेंदूर, शमीपत्रे' ही मराठी भाषेतील आरती सर्वत्र म्हटली जाते.मोरगावच्या श्रीगणेशाच्या सामर्थ्याचा अनुभव अनेक गणेशभक्तांना आला आहे. मोरगाव येथे गोसावीनंदन, मोरया गोसावी हा परब्रह्माचा अवतार झाला, तो त्यांच्या वडिलांनी केलेल्या उग्र व खडतर गणेश तपश्चर्येमुळे. गोसावीनंदनदेखील आपल्या वडिलांप्रमाणे गणेशाची उपासना करत होते. तेही मयुरेश्वराचे भक्त होते.मौंजीबंधनानंतर अध्ययन चालू असताना योगीराज नयन भारती यांची भेट होऊन त्यांनी अंतरीची खूण पटवून दिली. अनुग्रह दिला व थेऊरला जाऊन चिंतामणीची सेवा करण्याची गोसावीनंदन यांना आज्ञा केली.गोसावीनंदन यांनी थेऊरला जाऊन राहण्यास आपल्या आईवडिलांची परवानगी मिळवली. ते थेऊरला गेले.गोसावीनंदन हे गणेशाचे परमभक्त. गणेशाचे स्मरण करून ते ध्यानस्थ बसू लागले. एकदा ते या अवस्थेतून समाधीअवस्थेत गेले. ही समाधी बेचाळीस दिवसांनी उतरली. त्यांनी आपल्या डोळ्यांनी चिंतामणी पाहिला. त्या दर्शनाने ते कृतार्थ झाले. धन्य झाले. गोसावीनंदन मोरया गोसावी बनले. गणपती मंगलमूर्ती आहे. मंगलमूर्ती मोरया असे गर्जून लोक गणपतीचा आणि गोसावीनंदनाचा एकत्र जयजयकार करू लागले.मोरया गोसावी यांना अष्टसिद्धी प्राप्त झाली होती. त्यांच्याकडे बघून लोकांना ते साक्षात मोरयाच वाटत. त्यांच्य दर्शनासाठी लोकांची गर्दी दिवसेंदिवस वाढत राहिली. येणाऱ्या जाणाऱ्या लोकांमुळे त्यांच्या गणेशसेवेत खंड पडू लागला. म्हणून ते चिंचवडजवळील थेरगाव येथील किवजाईच्या देवळात येऊन राहू लागले. तिथेही अष्टौप्रहर लोकांची वर्दळ सुरू झाली. नंतर ते लोकांच्या आग्रहास्तव चिंचवड येथे येऊन राहिले.मोरगावला ते दर चतुर्थीला जाऊन मयुरेशाची पूजा करीत व पंचमीला पारणे करून चिंचवडला परत येत, असा नेम झाला. भाद्रपद चतुर्थी १४९२ मध्ये कऱ्हा नदीत स्नान करुन अर्घ्य देत असता त्यांच्या हातात गणपती दिसला. तो घेऊन ते घरी आले. व कोठारेश्वरासमोर त्यांनी या मंगलमूर्तीची प्रतिष्ठापना केली. काही काळानंतर पुत्र चि. चिंतामणी महाराज यांच्या हाती सर्व सूत्रे व कारभार सोपवून पवनेच्या काठी मोरया गोसावी यांनी संजीवन समाधी घेतली. मोरया गोसावी यांच्या घराण्यात सात पिढ्यांपर्यंत गणपतीचा अंश नांदला. जनमानसात वंद्य मानलेल्या गणपतीच्या नावाबरोबर मोरयाचे नाव महाराष्ट्रात मोठ्या श्रद्धेने घेतले जाते. ही माहिती वाचून आपणही मनोभावे म्हणूया...'मंगलमूर्ती मोरया, गणपती बाप्पा मोरया!

News Chinchwad

पिंपरी -चिंचवड :Pimpri Chinchwad: काँग्रेसचा भोसरी, चिंचवड, पिंपरीवर दावा; तीन जागांसाठी २२ जणांनी दिल्या मुलाखती

पुणे :विधानसभेपूर्वी तुतारी हाती घेणार?; चर्चेनंतर भाजप आमदार अश्विनी जगताप यांचं स्पष्टीकरण

पिंपरी -चिंचवड :चिंचवड मतदारसंघात विधानसभेची रंगीत तालीम, प्रचारात भाजप आणि राष्ट्रवादीचाही आखडता हात

पिंपरी -चिंचवड :मावळ लोकसभा मतदारसंघासाठी दुपारी तीनपर्यंत ३६.५४ % मतदान; कर्जत, उरणमध्ये सर्वाधिक मतदान

अकरानंतर पनवेल, कर्जत मतदारसंघात जास्त मतदान होत असल्याचे चित्र आहे... ...

पुणे :चिंचवडमध्ये सर्वाधिक १९ हजार मतदार, कसब्यात सर्वात कमी

कसबा पेठेत सर्वांत कमी मतदार वाढल्याचे स्पष्ट झाले आहे... ...

पिंपरी -चिंचवड :घडतंय-बिघडतंय: दीर-भावजयीच्या राजकारणात कार्यकर्त्यांचा जीव टांगणीला

पिंपरी -चिंचवड :आमदार अश्विनी जगतापांचा अवमान करणाऱ्यांवर पक्षाने कारवाई करावी, भाजप पदाधिकाऱ्याची मागणी

पत्रकार परिषदेत आमदार अश्विनी जगताप यांना बसण्यासाठीची खुर्ची एका बाजूला ठेवली होती... ...

भक्ती :Ganesh Chaturthi 2023: गणपती बाप्पा म्हटल्यावर 'मोरsssया' असं आपण एकसुरात म्हणतो; पण का? वाचा 'ही' गोष्ट!