मजहब नहीं सिखाता बैर करना... शाहिद आफ्रिदीची पाकिस्तानातील हिंदू, ख्रिश्चन समाजाला मदत

शाहिद आफ्रिदीच्या फाऊंडेशननच्या या समाजकार्याचं भज्जी आणि युवी यांनी कौतुक केलं आहे.

पाकिस्तानचा अष्टपैलू खेळाडू शाहिद आफ्रिदी पाकिस्तानातील गरीब जनतेला जीवनावश्यक वस्तू पुरवण्याचं काम करत आहे. कोरोना व्हायरसमुळे येथील बऱ्याच ठिकाणी लॉकडाऊन करण्यात आले आहे. त्यामुळे गरीब कुटुंबांवर उपासमारीची वेळ आली आहे. त्यांच्यासाठी शाहिद आफ्रिदी फाऊंडेशन काम करत आहे आणि आतापर्यंत त्यांनी 2000 कुटुंबांना जीवनावश्यक वस्तू वाटल्या आहेत. मंगळवारी शाहिद आफ्रिदीनं त्यांच्या या समाजकार्याची माहिती देणारं ट्विट केलं. त्यात त्यानं पाकिस्तानातील अल्पसंख्यांक म्हणजेच हिंदू आणि ख्रिश्चन कुटुंबीयांना मदत केल्याची माहिती दिली. 

त्यानं ट्विट केलं की,''शाहिद आफ्रिदी फाऊंडेशन पाकिस्तानातील गरजू अल्पसंख्यांकांना रेशन पुरवण्याचं काम करत आहे. कराची येथील हिंदू आणि ख्रिश्चन समाजाला आज रेशन पुरवण्यात आलं.''   

शाहिद आफ्रिदीच्या फाऊंडेशननच्या या समाजकार्याचं हरभजन सिंग आणि युवराज सिंग यांनी कौतुक केलं आहे.युवीनं ट्विट केलं की,''हा कसोटीचा काळ आहे. ज्यांच्याकडे काहीच नाही अशा लोकांची काळजी आपल्याला घ्यायची आहे. चला तर मग योगदान करूया.... मी शाहिद आफ्रिदी आणि त्याच्या फाऊंडेशनच्या समाजकार्याला सपोर्ट करतो. तुम्हीही त्याच्या समाजकार्यात मदत करा, असं आवाहनही करतो.''
यापूर्वी हरभजन सिंगनेही ट्विट करून आफ्रिदीला पाठिंबा दिला. त्यानं लिहिलं की,'' शाहिद आफ्रिदी आणि त्याचं फाऊंडेशन चांगलं काम करत आहेत. त्याच्या कार्यात आपणही हातभार लावूया आणि जमेल तशी मदत करूया...''

अऩ्य महत्त्वाच्या बातम्या

Corona Virus ने कटुता मिटवली; दिलदार भज्जी अन् युवी धावले आफ्रिदीच्या मदतीला

इंग्लंड क्रिकेट बोर्डानं उघडला खजिना; केली 570 कोटींची मदत

 तुमची लाज वाटते... युवराज सिंग अन् भज्जीवर भडकले नेटीझन्स