इंग्लंडच्या अष्टपैलू खेळाडू बेन स्टोक्सनं टीम इंडियचा कर्णधार विराट कोहलीच्या वर्चस्वाला धक्का दिला.
स्टोक्सनं 2019च्या वर्ल्ड कप स्पर्धेच्या अंतिम सामन्यात दमदार खेळी करताना इंग्लंडला पहिलेवहिले जेतेपद पटकावून देण्यात सिंहाचा वाटा उचलला होता.
वर्ल्ड कप स्पर्धेनंतर स्टोक्सनं अॅशेस मालिकेतील तिसऱ्या कसोटी सामन्यात अविश्वसनीय खेळी करून इंग्लंडला विजय मिळवून दिला होता.
स्टोक्सला यंदाचा BBC स्पोर्ट्स पर्सनॅलिटी ऑफ दी इयर आणि आयसीसीचा वर्षातील सर्वोत्तम खेळाडू हा पुरस्कारही पटकावला होता.
ऑस्ट्रेलियाची महिला क्रिकेटपटू एलिसे पेरी हीनं यंदाचा सर्वोत्तम महिला खेळाडूचा पुरस्कार पटकावला होता आणि तिनं विस्डनच्या या वर्षातील सर्वोत्तम पाच क्रिकेटपटूंमध्ये स्थान पटकावले आहे.
महिला अॅशेस स्पर्धेत पेरीनं सर्वाधिक धावा केल्या आणि सर्वाधिक विकेट्सही घेतल्या होत्या.
तिच्याशिवाय इंग्लंडचा गोलंदाज जोफ्रा आर्चर, ऑस्ट्रेलियाचा पॅट कमिन्स आणि मार्नस लॅबुशेन आणि एसेक्स क्लबचा फिरकीपटू सिमॉन हार्मर यांनी पाच क्रिकेटपटूंमध्ये स्थान पटकावले.
बुधवारी स्टोक्सला यंदाचा विस्डन लिडींग क्रिकेटर म्हणून गौरविण्यात आले आहे.
अँण्ड्य्रू फ्लिंटॉफनंतर ( 2005साली ) हा मान मिळवणारा स्टोक्स हा इंग्लंडचा पहिलाच खेळाडू आहे.
कोहलीनं सलग तीन वर्ष हा मान पटकावला होता, परंतु यंदा स्टोक्सनं बाजी मारली.