सोशल मीडियाच्या माध्यमातून मैत्री करून प्रेमविवाह केल्याची अनेक प्रकरणे समोर येत असतात. वेस्ट इंडिजचा स्फोटक फलंदाज शिमरॉन हेटमायरची प्रेम कहाणी देखील अशीच आहे.
मीडिया रिपोर्ट्सनुसार, शिमरॉनच्या प्रेमाची सुरुवात फेसबुकवरून झाली होती. सुरुवातीला शिमरॉनच्या मेसेजला त्याच्या क्रशने रिप्लाय दिला नव्हता. हेटमायरने याबाबत एका मुलाखतीत खुलासा केला होता.
रिप्लाय आला नाही तरी त्याने सातत्याने मेसेज करणे सुरूच ठेवले आणि मॉडेल निर्वाणीला हेटमायरने आपले जीवनसाथी बनवले. शिमरॉनने 2019 मध्ये निर्वाणीला प्रपोज केले आणि त्यानंतर लग्न केले.
शिमरॉन हेटमायरने सांगितले होते की, तो निर्वाणीच्या डोळ्यांच्या प्रेमात पडला होता. हेटमायरची पत्नी निर्वाणीचा स्वभाव त्याला आकर्षित करतो असे हेटमायरने सांगितले.
2022 मध्ये निर्वाणीने मुलाला जन्म दिला. या कारणास्तव शिमरॉन हेटमायरनेही आयपीएलमधून सुट्टी घेतली होती. आयपीएल 2022 मध्ये त्याची कामगिरी उत्कृष्ट होती.
शिमरॉन हेटमायरने आतापर्यंत आयपीएलमध्ये 46 सामने खेळले आहेत. यादरम्यान त्याने 44 सामन्यांमध्ये 30 च्या सरासरीने 831 धावा केल्या आहेत.
हेटमायरच्या आंतरराष्ट्रीय कारकिर्दीबद्दल भाष्य करायचे झाले तर, त्याने कसोटीतील 30 डावांत 838 धावा, वन डे सामन्यातील 44 डावांत 1447 धावा आणि ट्वेंटी-20 मधील 42 डावांत 797 धावा केल्या आहेत. वन डे क्रिकेटमध्ये त्याच्या नावावर 5 शतकांची नोंद आहे.