भारत-पाकिस्तान यांच्यात मेलबर्नवर सुपर संडेला थरार पाहायला मिळाला... भारतीय संघाची झालेली पडझड पाहून आता काही खरं नाही असेच वाटले. अखेरच्या १० षटकांत ११५ धावा करायच्या होत्या आणि शाहिन आफ्रिदी, हॅरिस रौफ, नसीम शाह हा जलजगती मारा करणारा तोफगोळा समोर होता. पण, विराट व हार्दिक जोडीनं चतुराईने भारताला विजय मिळवून दिला. या दोघांनी पाचव्या विकेटसाठी ११३ धावा जोडल्या आणि पाकिस्तानच्या तोंडचा घास पळवला. भारताने ४ विकेट्स राखून हा सामना जिंकला.
