विजय हजारे ट्रॉफी ( Vijay Hazare Trophy 2021) स्पर्धेत फलंदाजांचे वर्चस्व पाहायला मिळत आहे. कर्नाटकचा फलंदाज रविकुमार समर्थ ( Ravikumar Samarth) यानं सोमवारी केरळच्या गोलंदाजांची धुलाई केली.
कर्नाटकचा कर्णधार समर्थनं प्रथम फलंदाजी करताना देवदत्त पडिक्कलसह पहिल्या विकेटसाठी २४९ धावांची भागीदारी केली आणि संघानं ५० षटकांत ३ बाद ३३८ धावांचा डोंगर उभा केला.
समर्थचे वडील स्टेट बँक ऑफ इंडिया ( SBI) बँकेत काम करतात आणि मुलाच्या खेळीनं त्यांना अभिमान वाटत आहे. विजय हजारे ट्रॉफीच्या उपांत्यपूर्व सामन्यात त्यानं १५८ चेंडूंत नाबाद १९२ धावा चोपल्या.
रविकुमार समर्थनं केरळच्या गोलंदाजांची धुलाई केलं. त्यानं १२२च्या स्ट्राईक रेटनं फटकेबाजी करताना. त्याच्या १९२ धावांच्या खेळीत १०६ धावा या चौकार षटकारानं आल्या. त्यानं २२ चौकार व ३ षटकार खेचून २५ चेंडूंत १०६ धावा कुटल्या.
विजय हजारे ट्रॉफी २०२१च्या मोसमात ६००+ धावा करणारा रविकुमार समर्थ हा दुसरा फलंदाज ठरला. त्यानं ६ डावांत ६०५ धावा केल्या आणि त्यात ३ शतक व २ अर्धशतकांचा समावेश आहे.
यंदाच्या विजय हजारे ट्रॉफी २०२१च्या पर्वात सर्वोत्तम वैयक्तिक खेळी करणाऱ्या फलंदाजांत रविकुमार तिसऱ्या स्थानी आहे. मुंबईचा पृथ्वी शॉ नाबाद २२७ धावांसह ( १५२ चेंडू वि. पुदुच्चेरी) आणि वेंकटेश अय्यर १९८ धावांसह ( १४६ चेंडू वि. पंजाब) अनुक्रमे पहिल्या व तिसऱ्या क्रमांकावर आहे.
रविकुमार समर्थनं ६६ प्रथम श्रेणी क्रिकेट सामन्यांत ४१७१ धावा केल्या आहेत आणि त्यात १० शतकं व २१ अर्धशतकांचा समावेश आहे. ३७ लिस्ट ए क्रिकेटमध्ये त्यानं १५८१ धावा केल्या आहेत.