"विराट कोहलीला लग्नासाठी मागणी घालणंं निव्वळ जोक"; सौंदर्यवतीने का दिली अशी प्रतिक्रिया?

Virat Kohli marriage proposal : विराट कोहलीच्या स्टाईल अन् अँटीट्यूडवर लाखो तरुणी फिदा आहेत हे साऱ्यांनाच माहितीये

Virat Kohli marriage proposal :

भारतीय संघाचा धडाकेबाज फलंदाज विराट कोहली याने चॅम्पियन्स ट्रॉफी स्पर्धेत पाकिस्तानविरूद्ध दमदार शतक ठोकले आणि टीम इंडियाचा सहज विजय मिळवून दिला.

विराट कोहली हा अप्रतिम फलंदाज आहेच, पण गेल्या काही दिवसांपासून त्याच्या फॉर्मवर प्रश्न उपस्थित केले जात होते. त्यामुळे हे शतक सर्वार्थाने खूपच खास ठरले.

विराटच्या खेळावर केवळ तरुणच नव्हे तर तरूणीही फिदा झाल्या. विराटची फलंदाजीची स्टाईल, त्याचा मैदानावरील अँटीट्यूड तरुणींना नेहमीच भावतो.

काही वर्षांपूर्वी २०१४ मध्ये विराट कोहलीला डॅनियल व्हॅट नावाच्या एका सौंदर्यवतीने लग्नाची मागणी घातली होती. ती स्वत: एक प्रतिभावान क्रिकेटपटूही आहे.

या प्रपोझलबद्दल तिने १० वर्षांनी स्पष्टीकरण दिलंय. जगभरातील तरूणी विराटवर फिदा आहेत, पण कोहलीला प्रपोझ करणं हा जोक होता असं ती म्हणालीय.

"विराटला प्रपोज करणं हा निव्वळ विनोद होता. पण त्या गोष्टीची अपेक्षेपेक्षा खूप जास्त चर्चा रंगली. माझ्या मनात विराटबद्दल तशा भावनाच नव्हत्या."

"विराटने तेव्हा एक अप्रतिम इनिंग खेळली होती. त्या इनिंगच्या मी प्रेमात पडले आणि त्या नादात मी त्याला लग्नाची मागणी घातली. तो जोकच होता."

"५० मिनिटांनी जेव्हा मी फोन पाहिला तेव्हा मात्र हा प्रकार काहीच्या काही व्हायरल झाला होता. मला अपेक्षाही नव्हती पण मिडियात हीच चर्चा होती."

"माझं प्रपोझल इतकं व्हायरल झालं की मी शांत बसून मजा घेत राहिले. मी काहीच बोलले नाही. पण आता मात्र मी सांगतेय की तो केवळ एक जोक होता."