कोलकाता : अंधुक प्रकाशाच्या जोरावर श्रीलंकेच्या संघाने कोलकाता कसोटीत आपला पराभव टाळला.
अखेरच्या दिवशी रंगतदार अवस्थेत पोहोचलेला भारत-श्रीलंका कसोटी सामना अखेर अनिर्णित राहिला. दुसऱ्या डावात भारताने श्रीलंकेसमोर विजयासाठी 231 धावांचे आव्हान ठेवले होते.
विराट कोहलीच्या शतकाच्या आधारावर भारताने दुसऱ्या डावात 352 धावांवर आपला डाव घोषित केला. विराट कोहलीने दुसऱ्या डावात 104 धावांची शतकी खेळी केली.
अखेरच्या दिवशी श्रीलंकेला उरलेली दोन सत्र फलंदाजी करणे भाग होते. त्यामुळे कोलकाता कसोटी रंगतदार अवस्थेत पोहचली.
भारतीय गोलंदाजांनी भेदक मारा करुन भारताचा विजय दृष्टीपथात आणला होता.
पण, ऐनवेळी अपु-या प्रकाशामुळे पंचांनी खेळ थांबवण्याचा निर्णय घेतला आणि भारताच्या विजयाची संधी हुकली. त्यावेळी श्रीलंकेच्या सात बाद 75 धावा झाल्या होत्या.