मुंबई क्रिकेट संघाला विजय हजारे चषक वन डे स्पर्धेत शनिवारी छत्तीसगड संघाकडून पराभव पत्करावा लागला. मुंबईने विजयासाठी ठेवलेले 318 धावांचे लक्ष्य छत्तीसगडने 49.5 षटकांत 5 विकेट्सच्या मोबदल्यात पार केले. अमनदीप खरेने केलेल्या नाबाद शतकी खेळीच्या जोरावर छत्तीसगडने अखेरच्या षटकात विजय मिळवला.
प्रत्युत्तरात छत्तीसगडच्या आघाडीच्या फलंदाजाना मोठी खेळी करता आली नाही. जिवनज्योत सिंग ( 44), आशुतोष सिंग ( 35) आणि कर्णधार हरप्रीत सिंग ( 26) यांनी हातभार लावला. पण, खरेने मुंबईच्या तोंडचा घास पळवला. त्यानं 94 चेंडूंत 8 चौकार आणि 4 षटकारांसह नाबाद 117 धावा केल्या. त्याला शशांक सिंग ( 40) आणि अजय मंडल ( 39*) यांनी तुल्यबळ साथ दिली.