RR vs RCB, IPL 2024 Eliminator Marathi Live : इंडियन प्रीमिअर लीग २०२४ च्या एलिमिनेटर सामन्यात वादाची ठिणगी पडली. रॉयल चॅलेंजर्स बंगळुरू विरुद्ध राजस्थान रॉयल्स यांच्यातल्या सामना वादग्रस्त निर्णयाने गाजला. इरफान पठाण, सुनील गावस्कर, वसीम जाफर, मायकेल वॉन यांनी अम्पायरच्या निर्णयावर संताप व्यक्त केला. त्याचबरोबर तंत्रज्ञानावर पुन्हा एकदा प्रश्नचिन्ह उपस्थित होताना दिसत आहेत. तिसऱ्या अम्पायरच्या निर्णयामुळे RR चा प्रशिक्षक कुमार संगकारा संतापलेला दिसला आणि तो तेव्हाच तिसऱ्या अम्पायरकडे दाद मागण्यासाठी जाताना दिसला.
ड्यू प्लेसिस व विराट यांनी २८ चेंडूंत ३७ धावांची भागीदारी केली. त्यानंतर पाटीदार व ग्रीन ( ४१ धावा), कार्तिक व लोम्रोर ( ३२) यांनाच चांगली भागीदारी करता आली. आजच्या सामन्यात रोव्हमन पॉवेलने सर्वाधिक ४ झेल घेतले आणि प्ले ऑफमध्ये यष्टिरक्षक वगळता सर्वाधिक झेल घेण्याचा मान त्याने पटकावला. दिनेश कार्तिक पहिल्याच चेंडूवर पायचीत झाला होता आणि गोलंदाज आवेश खानच्या अपीलवर अम्पायरने त्याला बादही दिले. पण, कार्तिकने DRS घेतला. त्यावर तिसऱ्या अम्पायरने हा निर्णय बदलला, परंतु अनेक क्रिकेट तज्ञांच्या मते हा निर्णय घाईने आणि चुकीचा असल्याचे स्पष्ट झाले. यावरून वातावरण तापले आहे.