कोरोना व्हायरसमुळे शोएब मलिक ( Shoaib Malik) आणि सानिया मिर्झा ( Sania Mirza) यांना एकमेकांपासून दूर रहावे लागले होते. पण, लॉकडाऊनच्या नियमात शिथिलता येताच भारताची टेनिस स्टार सानिया मुलगा इझहानसह दुबईत दाखल झाली. तेथून सानिया पाकिस्तानी क्रिकेटपटू व पती शोएबसह कराची येथे गेली आहे. शोएब सध्या पाकिस्तान सुपर लीगमध्ये पेशावर झाल्मी संघाचे प्रतिनिधित्व करत आहे आणि वाढदिवसाच्या ( १५ नोव्हेंबर) एक दिवस आधी सानियानं पतीला चिअर करण्यासाठी कराची येथी नॅशनल स्टेडियमवर हजेरी लावली. सानियाचे स्टेडियमवरील फोटो व्हायरल झाले आहेत.
पेशावरचा संघ मागील दोन पर्वात उपविजेता ठरला आहे, परंतु यंदा त्यांना प्ले ऑफमध्येच गाशा गुंडाळावा लागला. हा सामना पाहण्यासाठी सानिया स्टेडियममध्ये दाखल झाली आणि फॅन्सनी तिचे फोटो सोशल मीडियावर व्हायरल केले. १२ एप्रिल २०१०मध्ये सानिया व शोएबनं लग्न केलं. २०१८मध्ये ही दोघं आई-वडिल बनले.