राजस्थान रॉयल्स संघासमोरील अडचणी काही केल्या कमी होताना दिसत नाही. दुखापतीमुळे जोफ्रा आर्चर व बेन स्टोक्स हे दोन प्रमुख खेळाडू आयपीएल २०२१ला मुकले असताना आणखी एका खेळाडूनं बायो बबलला कंटाळून माघार घेतली आहे. इंग्लंडचा फलंदाज लायम लिव्हिंगस्टोन ( Liam Livingstone ) यानं बायो बबलमुळे जाणवत असलेल्या थकव्यामुळे माघार घेण्याचा निर्णय घेतला. सोमवारी तो मायदेशी परतला.
''सोमवारी लायम लिव्हिंगस्टोन मायदेशी परतला. तो गेली एक वर्ष बायो बबलमध्ये आहे आणि त्यामुळे त्याला थकवा जाणवत होता. त्याच्या या निर्णयाचा आम्ही आदर करतो. संघाला जमेल तसा पाठिंबा तो देत राहील,''असे राजस्थान रॉयल्सनं त्यांच्या निवेदनात म्हटले आहे.