चेन्नई सुपर किंग्सनं थरराक सामन्यात कोलकाता नाइट रायडर्सवर २ विकेट्स राखून विजय मिळवला अन् गुणतक्त्यात १६ गुणांसह अव्वल स्थानावर झेप घेतली. ( Chennai Super Kings (CSK) defeated Kolkata Knight Riders (KKR) by two wickets in a thrilling encounter ). KKRनं ठेवलेल्या १७२ धावांच्या लक्ष्याचा पाठलाग करताना CSKच्या सलामीवीरांनी चांगली सुरुवात करून दिली आणि त्यानंतर रवींद्र जडेजानं तुफान फटकेबाजी केली. त्यानं ८ चेंडूंत २ चौकार व २ षटकार खेचून २२ धावा कुटल्या.
रोहितची पत्नी रितिका समोर बसलीय, परंतु चर्चा मागे उभ्या असलेल्या सुंदरीची, कोण आहे ती?
अखेरच्या षटकात चार धावांची गरज असताना सुनील नरीननं सॅम कुरन व जडेजा या दोन महत्त्वाच्या विकेट्स टिपल्या. त्यानंतर एका चेंडूत एक धाव असा सामना चुरशीचा झाला. दीपक चहरनं विजयी धाव घेतली. फॅफ ड्यू प्लेसिस ( ४४), ऋतुराज गायकवाड ( ४०) व मोइन अली ( ३२) यांनी दमदार कामगिरी केली. KKRकडून राहुल त्रिपाठीनं ३३ चेंडूंत ४५ धावा केल्या आणि दीनेश कार्तिकनं ११ चेंडूंत २६ व नितीश राणानं ३७ धावा केल्या.