U19 T20 World Champion, Video: दक्षिण आफ्रिकेत इतिहास रचणाऱ्या भारतीय १९ वर्षाखालील मुलींचा क्रिकेट संघ मायदेशी परतला. विश्वविजेतेपद मिळवून जागतिक क्रिकेटमध्ये त्यांनी आपली छाप सोडली. दक्षिण आफ्रिकेच्या भूमीतून त्यांनी जगाला हा संदेश दिला आहे की आता १९ वर्षांखालील क्रिकेटवर त्यांचेच राज्य आहे. या १९ वर्षाखालील मुलींचे जल्लोषात स्वागत करण्यात आले. आधी अहमदाबादच्या नरेंद्र मोदी क्रिकेट स्टेडियमवर त्यांचा सन्मान झाला आणि त्यानंतर आपापल्या घरी पोहोचल्यावर त्यांचा हा विजय साजरा केला जात आहे.
जे फोटो आणि व्हिडिओ शेअर करण्यात आले त्यात दिल्लीचे फोटो आहेत. दिल्ली म्हणजे श्वेता सेहरावतचे घर. अंडर १९ महिला टी२० विश्वचषक क्रिकेटमध्ये सर्वाधिक धावा श्वेताच्या बॅटने केल्या आणि ती घरी पोहोचली तेव्हा तिच्या स्वागतासाठी रस्त्यावर ट्रॅफिक जॅम झाला होता.
कुणी चालत्या जीपवर ठरला ठेका तर काहींना भररस्त्यात केला डान्स, वर्ल्ड चॅम्पियन्सचं जल्लोषात स्वागत
दिल्लीत श्वेताच्या स्वागतासाठी भव्य व्यवस्था करण्यात आली होती. लोकांनी आपली मुलगी श्वेता हिचे हार घालून जीपच्या बोनेटवर बसून स्वागत केले. चालत्या जीपवर बसलेली श्वेता ढोल-ताशांच्या तालावर नाचताना दिसली.आणि एवढ्यावरही तिचं समाधान झालं नाही तेव्हा ती रस्त्यावर नाचू लागली. ढोल-ताशांचा आवाज जितका मोठा होता, तितकीच श्वेताच्या नृत्यात अदाकारी दिसत होती.
विमानतळावरही स्वागताची कमतरता नाही!
त्याआधी दिल्ली विमानतळावरही खूप चांगली रिसेप्शनची छायाचित्रे. हे सर्व या मुलींसाठी व्हायला हवे होते कारण आजपर्यंत भारतीय महिला क्रिकेटमध्ये जे घडले नव्हते ते त्यांनी केले आहे. या मुली विश्वविजेत्या आहेत आणि त्यांच्यामुळेच भारतीय महिला संघ प्रथमच टी-२० विश्वचषक जिंकण्यात यशस्वी ठरला आहे. तसेच घरी येण्यापूर्वी अहमदाबादच्या नरेंद्र मोदी स्टेडियममध्ये या मुलींचेही स्वागत करण्यात आले. तिथे सचिन तेंडुलकरने त्यांचा गौरव केला.
Web Title: Indian u19 women cricket team world champions of T20 World Cup dance on jeep receives grand welcome from fans family friends video viral
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
