मुंबई - इंग्लंड कसोटी मालिकेत सलामीच्या फलंदाजांचे अपयश हा भारतासाठी डोकेदुखीचा विषय ठरला आहे. दोन कसोटीत वेगवेगळी सलामीची जोडी उतरवूनही भारताला हवी तशी सुरूवात करता आलेली नाही. लॉर्ड्स कसोटीच्या दुस-या डावातही भरवशाचा सलामीवीर मुरली विजय भोपळा न फोडता माघारी परतला. दोन्ही डावांत विजयच्या धावांची पाटी कोरीच राहिली आणि अशी कामगिरी करणारा तो भारताचा सहावा फलंदाज ठरला आहे.
( India vs England 2nd Test: भारताची डावाने पराभव टाळण्यासाठी धडपड )
(India vs England 2nd Test: जेम्स अँडरसन; लॉर्ड्सवरील शतकवीर!)
भारताला दुस-या डावातही साजेशी सुरूवात करता आली नाही. जेम्स अँडरसनने तिस-याच षटकात विजयला बाद करत इंग्लंडला पहिले यश मिळवून दिले. या विकेटसह लॉर्ड्सवर शंभरावा बळी टिपण्याचा मान अँडरसनने पटकावला. त्याशिवाय विजयला सर्वाधिक सात वेळा बाद करण्याचा पराक्रमही त्याने केला. त्यापाठोपाठ हा मान मॉर्ने मॉर्केल (6), रवी रामपॉल (5) आणि शेन वॉटसन व जोस हेझलवूड ( प्रत्येकी 4) यांचा क्रमांक येतो.