मेलबर्न, भारत विरुद्ध ऑस्ट्रेलिया : भारतीय संघाने तिसऱ्या वन डे सामन्यात ऑस्ट्रेलियाची कोंडी केली आहे. युजवेंद्र चहलच्या एका षटकाने सामन्याचे चित्रच बदलले. शॉन मार्श आणि उस्मान ख्वाजा ही सेट जोडी चहलने तोडली. चहलच्या गोलंदाजीवर महेंद्रसिंग धोनीनं मार्शला यष्टिचीत केले आणि स्वतःच्या नावावर विक्रमाची नोंद केली.
ऑस्ट्रेलियाचे दोन्ही सलामीवीर 27 धावांवर माघारी परतल्यानंतर मार्श व ख्वाजा यांनी अर्धशतकी भागीदारी करताना संघाला सुस्थितीत आणले. मात्र, चहलच्या एका षटकात दोघेही माघारी परतले. चहलच्या फिरकीचा अंदाज चुकल्याने मार्शला यष्टिचीत होऊन माघारी परतावे लागले. धोनीची ही यष्टिचीत विक्रमी ठरली. ऑस्ट्रेलियाविरुद्ध सर्वाधित 17 यष्टिचीत करण्याचा विक्रम धोनीने नावावर केला.