बंगळुरु, भारत विरुद्ध ऑस्ट्रेलिया : भारताचा माजी कर्णधार आणि बेस्ट फिनिशर म्हणून ओळखल्या जाणाऱ्या महेंद्रसिंग धोनीने ट्वेन्टी-20 क्रिकेटमध्ये षटकारांचे अर्धशतक पूर्ण केले आहे. ऑस्ट्रेलियाविरुद्धच्या दुसऱ्या ट्वेन्टी-20 सामन्यात रिषभ पंत बाद झाला आणि धोनी फलंदाजीला आला. या सामन्यात सहाव्या चेंडूवर धोनीने षटकार लगावला.
या सामन्यात धोनीच्या षटकारांचा अजब योगायोग पाहायला मिळाला. धोनीचा ट्वेन्टी-20 क्रिकेटमधील हा 50वा षटकार ठरला, तर आंतरराष्ट्रीय कारकिर्दीतील 350वा सिक्सर ठरला. तेराव्या षटकातील तिसऱ्या चेंडूवर धोनीने मिडविकेटला षटकार लगावला.