भारत विरुद्ध ऑस्ट्रेलिया : भारतीय संघ ऑस्ट्रेलियामध्ये 1947 सालापासून दौरा करत आहे. आतापर्यंत भारताने 11 वेळा ऑस्ट्रेलियाचा दौरा केला आहे. पण यापूर्वी एकाही दौऱ्यामध्ये भारताला ऑस्ट्रेलियामध्ये पहिला सामना जिंकता आला नव्हता. त्यामुळे गेल्या 71 वर्षांमध्ये भारताने पहिल्यांदाच पहिल्या कसोटी सामन्यात विजय मिळवला आहे. या ऐतिहासिक विजयानंतर दिग्गजांनी भारतीय संघावर स्तुतीसुमनांचा वर्षाव केला आहे. यामध्ये भारताचा माजी महान फलंदाज सचिन तेंडुलकर, वीरेंद्र सेहवाग, व्हीव्हीएस लक्ष्मण यांचाही समावेश आहे.
