मुंबई , आयसीसी वर्ल्ड कप 2019 : वर्ल्ड कप स्पर्धेला अवघे दहा दिवस राहिले आहेत. भारतीय संघ 22 तारखेला वर्ल्ड कप स्पर्धेसाठी लंडनकडे रवाना होणार आहे. इंडियन प्रीमिअर लीगच्या थकवणाऱ्या वेळापत्रकानंतर भारताच्या वर्ल्ड कप संघातील बऱ्याच खेळाडूंनी सुट्टीवर जाणे पसंत केले. भारतीय क्रिकेट नियामक मंडळानेही ( बीसीसीआय) खेळाडूंना कामाचा ताण घेऊ नका, असा सल्ला देताना सुट्टीवर जाण्यास सांगितले. त्यामुळे कर्णधार विराट कोहली, उपकर्णधार रोहित शर्मासह भारतीय संघातील अनेक खेळाडू भटकंतीला गेले. पण, हार्दिक पांड्या व लोकेश राहुल यांनी जिममध्ये तासंतास वर्कआउट करताना दिसले.
कॉफी विथ करण प्रकरणानंतर हार्दिक व लोकेश हे वर्ल्ड कप संघात खेळतील की नाही याबाबत साशंकता होती. मात्र, माफीनाम्यानंतर आणि बीसीसीआयने सुनावलेला दंड भरल्यानंतर त्यांनी राष्ट्रीय संघात कमबॅक केले. आयपीएलमध्येही या दोघांनी दमदार कामगिरी केली. त्यामुळे वर्ल्ड कप स्पर्धेत त्यांच्याकडूनच्या अपेक्षा वाढल्या आहेत. या अपेक्षांवर खरे उतरण्यासाठी दोघेही कसून सराव करत आहेत.
( हिटमॅन रोहित शर्मा सुट्टीवर... पाहा कूल फोटो! )
( विराट आणि अनुष्का गोव्यामध्ये घेतायत सुट्टीचा आनंद, फोटो वायरल )