लॉर्ड्स, आयसीसी वर्ल्ड कप 2019 : गतउपविजेत्या न्यूझीलंड संघाने आज अंतिम फेरीत नाणेफेक जिंकून प्रथम फलंदाजीचा निर्णय घेतला. 1992नंतर प्रथमच वर्ल्ड कप स्पर्धेच्या अंतिम फेरीत खेळणाऱ्या यजमान इंग्लंडच्या गोलंदाजांनी सुरेख गोलंदाजी करताना किवींच्या धावगतीला लगाम लावला. न्यूझीलंडचा सलामीवीर मार्टिन गुप्तीलचा अपयशाचा पाढा अंतिम फेरीतही कायम राहिला. सातव्या षटकाच्या दुसऱ्या चेंडूवर न्यूझीलंडला पहिला धक्का बसला. ख्रिस वोक्सने किवी सलामीवीर मार्टिन गुप्तीलला पायचीत केले. गुप्तील 19 धावांवर माघारी परतला. त्यानंतर आलेल्या कर्णधार केन विलियम्सनने सलामीवीर हेन्री निकोल्ससह डाव सावरण्याचा प्रयत्न केला. या सामन्यात विलियन्सनने विक्रमाला गवसणी घातली.
या सामन्यातील 20 व्या षटकात पॅट कमिन्सच्या गोलंदाजीवर रॉयला चुकीच्या पद्धतीनं बाद देण्यात आले. चेंडू व्हाईडच्या दिशेनं गेला होता, त्यावर रॉयनं फटका मारण्याचा प्रयत्न केला. पण, बॅट आणि चेंडू यांच्यात काहीच संपर्क झाला नाही, तरीही ऑसी खेळाडूंनी अपील केलं. बऱ्याच वेळ अपील केल्यानंतर पंच कुमार धर्मसेनानं त्याला बाद ठरवले. त्यानंतर रॉयनं तीव्र शब्दात नाराजी प्रकट केली. या प्रकरणी आयसीसीनं रॉयला मॅच फीमधील 30 टक्के रक्कम दंड म्हणून भरण्याची शिक्षा सुनावली. पण, अंतिम सामन्यापूर्वी रॉयनं पंच धर्मसेना यांची भेट घेऊन झालेल्या प्रकाराची माफी मागितली.