मुंबई : ‘दहशतवाद्यांना आश्रय देणाऱ्या देशांसह संबंध संपुष्टात आणायला हवे, असे आयसीसी व सदस्य देशांना आवाहन करणाऱ्या बीसीसीआयच्या पत्रासोबत माझा काही संबंध नाही,’ असे बीसीसीआयचे कार्यवाहक सचिव अमिताभ चौधरी यांनी म्हटले. तसेच, आंतरराष्ट्रीय क्रिकेट परिषदेने (आयसीसी) मात्र बीसीसीआयची पाकविरुद्ध न खेळण्याची विनंती फेटाळून लावत या प्रकरणात आमची कुठली भूमिका नसल्याचे स्पष्ट केले आहे. पत्रकार परिषदेमध्ये चौधरी यांना पत्रात पाकच्या नावाचा उल्लेख न करणे चूक होते का, असे विचारले असता ते म्हणाले, ‘ते पत्र मी लिहिलेच नाही.’ पुलवामा दहशतावदी हल्ल्यानंतर हे पत्र प्रशासकांच्या समितीसह (सीओए) राहुल जोहरी यांनी सीओएसह चर्चा केल्यानंतर लिहिले होते.
