मुंबई, आशिया चषक २०१८: भारत आणि पाकिस्तान यांच्यात आज क्रिकेट मैदानावर महायुद्ध होणार आहे. हे शेजारी जेव्हा क्रिकेट मैदानावर एकमेकांविरुद्ध उतरता तेव्हा दोन्ही देशांतील जनतेच्या काळजाचा ठोका चुकलेला असतो. उभय देशांतील प्रत्येक सामना हा हाय व्होल्टेजचाच असल्याने सामन्यात टाकला जाणारा एकही चेंडू चुकवण्याची कोणाची इच्छा नसते. सामान्य क्रिकेट चाहतेच नव्हे, तर अन्य खेळातील दिग्गजांनाही या लढतीची प्रतिक्षा आहे. यात विश्वविजेती बॉक्सर एमसी मेरी कोमचाही समावेश आहे.
बॉक्सिंग स्पर्धा संपवून मायदेशात परतल्यावर मेरीने भारत आणि पाकिस्तान यांची लढत पाहण्यासाठी आपणही उत्सुक असल्याचे सांगितले. तिने असे ट्विटही केले. सोबत या लढतीसाठी तिने स्वतःचा फेव्हरिट संघही निवडला. मेरीला तिच्या संघात कोण कोण असेल असे विचारण्यात आलेही, परंतु तिने ते गुलदस्त्यात ठेवणे पसंत केले.