लंडन, अ‍ॅशेस 2019 : आतापर्यंतच्या अ‍ॅशेस मालिकेत स्टीव्हन स्मिथने 700पेक्षा जास्त धावांचा रतीब घातला आहे. पण आता तर स्मिथने अफलातून कॅच पकडत साऱ्यांनाच धक्का दिला आहे. ही कॅच पकडल्यावर फलंदाजासहीत खेळाडूंनाही धक्का बसला होता. त्यामुळे ही कॅच तुम्ही पाहाल तर हैराण व्हाल. या कॅचचा व्हिडीओ चांगलाच वायरल झाला आहे.
इंग्लंडच्या दुसऱ्या डावात मिचेल मार्श 87वे षटक टाकत होता. त्यावेळी ख्रिस वोक्स सहा धावांवर खेळत होता. यावेळी एक चेंडू वोक्सच्या बॅटच्या कडेला लागला आणि तो स्लीपच्या दिशेने गेला. आता हा चेंडू सीमारेषेपार जाईल, असे वाटत होते. पण स्मिथने यावेळी अफलातून कॅच टिपला आणि साऱ्यांनाच धक्का दिला.
पाहा व्हिडीओ
इंग्लंडच्या जो डेन्ली (94) आणि बेन स्टोक्स (67) यांच्या दमदार खेळीच्या जोरावर इंग्लंडने दुसऱ्या डावात 329 धावा केल्या. त्याचबरोबर पहिल्या डावात घेतलेल्या आघाडीमुळे इंग्लंडला ऑस्ट्रेलियापुढे 399 धावांचे आव्हान ठेवता आले.