2 New IPL Teams in 2022 : Lalit Modi - संजीव गोएंका यांच्या RPSG Group आणि CVC Capital यांनी विक्रमी किमतीत अनुक्रमे लखनौ व अहमदाबाद फ्रँचायझी खरेदी केली. RP Sanjiv Goenka यांनी सर्वाधिक ७०९० कोटींत लखनौ, तर CVC Capital यांनी ५,६०० कोटींत अहमदाबाद फ्रँचायझी नावावर केली. या नव्या करारानं बीसीसीआयला १२, ६९० कोटींचा फायदा झाला आहे. पण, आयपीएलचे माजी अध्यक्ष ललित मोदी ( Lalit Modi) नं नव्या फ्रँचायझीच्या ऑक्शनवरून बीसीसीआयवर गंभीर आरोप केले.
ललित मोदीनं ट्विट केलं की, बेटिंग कंपनीही आता आयपीएल संघ खरेदी करू शकतात, असे मला वाटतेय. कदाचित हा नवीन नियम असावा. आश्चर्याची गोष्ट म्हणजे दोन नव्या संघांच्या बोलीसाठीच्या कंपनीपैकी एका बिडरची मोठी बेटिंग कंपनी आहे. बीसीसीआयनं गृहपाठ केला नाही. अशा परिस्थिती अँटी करप्शन विभाग काय करणार?''