IPL 2021, CSK vs KKR T20 : Ruturaj Gaikwad, "Fleming, Dhoni, team kept backing me, Hussey had talked to me about the positives and Uthappa talked after the last match" | IPL 2021, CSK vs KKR T20 : कॅप्टन असाच हवा; अफलातून खेळीनंतर ऋतुराज गायकवाड MS Dhoniबद्दल काय म्हणाला ऐका, Video

IPL 2021, CSK vs KKR T20 : कॅप्टन असाच हवा; अफलातून खेळीनंतर ऋतुराज गायकवाड MS Dhoniबद्दल काय म्हणाला ऐका, Video

IPL 2021  t20 Csk vs KKR live match score updates mumbai : आयपीएल २०२०मधील अखेरच्या तीन सामन्यांत सलग अर्धशतक झळकावणाऱ्या ऋतुराज गायकवाडला ( Ruturaj Gaikwad) १४व्या पर्वात साजेशी सुरुवात करता आली नाही. पहिल्या तीन सामन्यांत फक्त २० धावा आणि पर्यायी सलामीवीर म्हणून रॉबीन उथप्पा सारखा अनुभवी खेळाडू, असताना ऋतुराजचं काही खरं नाही असंच वाटत होतं. पण, चेन्नई सुपर किंग्सचा ( Chennai Super Kings) कर्णधार महेंद्रसिंग धोनी ( MS Dhoni) ऋतुराजच्या पाठीशी खंबीरपणे उभा राहिला. त्याचा हा विश्वास ऋतुराजनं आज सार्थ ठरवला. भारताचा माजी अष्टपैलू खेळाडू इरफान पठाण ( Irfan Pathan) यानंही धोनीचं कौतुक केलं. IPL 2021 : CSK vs KKR T20 Live Score Update

मागील तीन सामन्यांत अपयशी ठरलेल्या ऋतुराज गायकवाडनं आज चांगली सुरुवात करून दिली. त्यानं फॅफ ड्यू प्लेसिससह पहिल्या विकेटसाठी ११५ धावांची भागीदारी केली. ऋतुराज ४२ चेंडूंत ६ चौकार व ४ षटकारांसह ६४ धावांवर बाद झाला. मोईन अलीनं फॅफसह दुसऱ्या विकेटसाठी २७ चेंडूंत ४६ धावांची भागीदारी केली. अली १२ चेंडूंत २ चौकार व २ षटकार खेचून २५ धावांवर बाद झाला. IPL 2021 latest news, CSK vs KKR IPL Matches

महेंद्रसिंग धोनी ( MS Dhoni) आज फलंदाजीला चौथ्या क्रमांकावर आला. धोनी ८ चेंडूंत २ चौकार व १ षटकार खेचून १७ धावांवर माघारी परतला. १९व्या षटकात आंद्रे रसेलच्या गोलंदाजीवर कर्णधार इयॉन मॉर्गननं अप्रतिम झेल टिपला. फॅफनं अखेरच्या षटकात फटकेबाजी कायम राखताना चेन्नईला २० षटकांत ३ बाद २२० धावांचा डोंगर उभा करून दिला. फॅफ ६० चेंडूंत ९ चौकार व ४ षटकारासह ९५ धावांवर नाबाद राहिला. IPL 2021, IPL 2021 latest news, CSK vs KKR IPL Matches

ऋतुराजच्या दमदार खेळीवर इरफान म्हणाला, तुम्ही खेळत नसाल, तर तुमच्याकडून चांगली कामगिरी होणार नाही, परंतु तुम्हाला सातत्यानं पाठींबा मिळत राहिला तर रिझल्ट नक्की मिळतो. 


ऋतुराज गायकवाड म्हणाला,''पहिल्या तीन सामन्यांत साजेशी कामगिरी करता आली नव्हती. पण, जेव्हा ड्रेसिंग रुममध्ये अनुभवी खेळाडू असतात, तेव्हा तुमचा भार हलका होतो. खरं सांगायचं तर फ्लेमिंग, धोनी आणि संघ मला सतात प्रोत्साहन देत होते. त्या तीन सामन्यांतूनही त्यांनी सकारात्मक गोष्टीच पाहिल्या. मी थोडा अडखळत होतो, परंतु आत्मविश्वास कायम होता. मागील सामन्यानंतर रॉबीन उथप्पा माझ्याजवळ आला आणि माझ्याची चर्चा केली.''CSK vs KKR Live Score, IPL 2021 CSK vs KKR, CSK vs KKR Live Match

 

वाचकहो, 'लोकमत'ला टेलिग्रामवर फॉलो करताय ना?... अजून जॉईन केलं नसेल तर क्लिक करा ( @LokmatNews ) आणि मिळवा महत्त्वाचे अपडेट्स अन् ताज्या बातम्या!

Web Title: IPL 2021, CSK vs KKR T20 : Ruturaj Gaikwad, "Fleming, Dhoni, team kept backing me, Hussey had talked to me about the positives and Uthappa talked after the last match"

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.