IPL 2020 MI vs CSK Latest News: Mumbai Indinans playing XI against Chennai Super Kings, Two debutants and a return for Saurabh Tiwary | IPL 2020 MI vs CSK Latest News:  मुंबई इंडियन्सच्या संघात दोन खेळाडूंचे पदार्पण, सौरभ तिवारीचे पुनरागमन

IPL 2020 MI vs CSK Latest News:  मुंबई इंडियन्सच्या संघात दोन खेळाडूंचे पदार्पण, सौरभ तिवारीचे पुनरागमन

IPL 2020 MI vs CSK Latest News: कोरोना व्हायरसच्या संकटात सर्व क्रिकेट चाहत्यांना सुखावणारा हा दिवस... Indian Premier League ( IPL 2020) च्या 13व्या पर्वाला आज सुरूवात झाली. क्रिकेट चाहते अगदी चातकासारखे या प्रसंगाची वाट पाहत होते. मुंबई इंडियन्स ( Mumbai Indians) आणि चेन्नई सुपर किंग्स ( Chennai Super Kings) या दोन तगड्या संघांमध्ये सलामीचा सामना अगदी थोड्यावेळात सुरू होईल. MI/CSK ने नाणेफेक जिंकून प्रथम फलंदाजीचा निर्णय घेतला. पण, दोन्ही संघांची Playing XI ( अंतिम 11 खेळाडू) कोण असतील याची उत्सुकता सर्वांना लागली आहे. आजच्या सामन्यासाठी MIनं तगडी फौज मैदानावर उतरवली आहे.

इतर पर्वाप्रमाणे यंदाही मुंबई इंडियन्स ( MI) जेतेपदाच्या शर्यतीत आघाडीवर आहेत. रोहित शर्मानं ( Rohit Sharma) सरावात टोलावलेला उत्तुंग षटकार चक्क मैदानाबाहेरून जाणाऱ्या बसच्या छतावर पडला होता. त्याच्या फटकेबाजीचा व्हिडीओही प्रचंड व्हायरल झाला होता. मुंबई इंडियन्स हा IPLमधील सर्वात यशस्वी संघ आहे. MI ने 2013, 2015, 2017 आणि 2019मध्ये IPLचे जेतेपद नावावर केले. UAEतही मुंबई इंडियन्सही फेव्हरिट मानले जात आहे. पण, UAEतील इतिहास मुंबई इंडियन्सच्या विरोधात आहे. मुंबई इंडियन्सनं येथे खेळलेल्या पाच सामन्यांत एकही विजय मिळवलेला नाही. पण, Past is Past असे रोहितनं सामन्यापूर्वी सांगितले होते. 

यापूर्वी 2014मध्ये आयपीएलचा पहिला टप्पा यूएईत पार पडला होता. 2009मध्ये आयपीएल दक्षिण आफ्रिकेत खेळवण्यात आली होती आणि त्यानंतर संपूर्ण आयपीएल भारताबाहेर होण्याची ही पहिली वेळ आहे. 2014मध्ये झालेल्या आयपीएलचे एकूण 20 सामने यूएईत झाले होते. मुंबई इंडियन्सना यूएईत झालेल्या पाचही सामन्यांत पराभव पत्करावा लागला आहे.  
 

UAE तील अऩ्य संघांची कामगिरी
किंग्स इलेव्हन पंजाब - 5 सामने , 5 विजय
चेन्नई सुपर किंग्स - 5 सामने, 4 विजय, 1 पराभव
राजस्थान रॉयल्स - 4 सामने, 2 विजय, 2 पराभव
कोलकाता नाईट रायडर्स - 4 सामने, 2 विजय, 2 पराभव
रॉयल चॅलेंजर्स बंगळुरू - 5 सामने, 2 विजय, 3 पराभव
सनरायझर्स हैदराबाद - 5 सामने, 2 विजय, 3 पराभव
दिल्ली डेअरडेव्हिल्स - 5 सामने, 2 विजय, 3 पराभव
मुंबई इंडियन्स - 5 सामने, 5 पराभव 

पास्ट विसरून वर्तमानात जगणारा MI...
लसित मलिंगाची अनुपस्थिती ही MIसाठी सर्वात मोठी डोकेदुखी ठरू शकते. पण, रोहित त्याही आव्हानाचा सामना करण्यासाठी सज्ज आहे. सामन्यापूर्वी झालेल्या प्रेस कॉन्फेरन्समध्ये त्यानं तो निर्धार बोलून दाखवला. मागील मोसमाप्रमाणे यंदाही रोहित सलामीला ( Opening) येणार आहे. त्याच्यासोबत क्विंटन डी'कॉक असेल, हे मुंबई इंडियन्सनं जाहीर केलं होते. त्यामुळे मुंबईची बॅटींग लाईनअप आधीच माहित होती. मुद्दा होता तो मलिंगाच्या रिप्लेसमेंटचा आणि त्याच्या जागी संघात जेम्स पॅटिन्सन याला संधी मिळाली आहे.

मुंबई इंडियन्सचे Playing XI ( MI XI vs CSK XI)
क्विंटन डी'कॉक, किरॉन पोलार्ड, जेम्स पॅटिन्सन, ट्रेंट बोल्ट, रोहित शर्मा, सूर्यकुमार यादव, सौरव तिवारी, कृणाल पांड्या, हार्दिक पांड्या, राहुल चहर, जसप्रीत बुमराह

वाचकहो, 'लोकमत'ला टेलिग्रामवर फॉलो करताय ना?... अजून जॉईन केलं नसेल तर क्लिक करा ( @LokmatNews ) आणि मिळवा महत्त्वाचे अपडेट्स अन् ताज्या बातम्या!

Web Title: IPL 2020 MI vs CSK Latest News: Mumbai Indinans playing XI against Chennai Super Kings, Two debutants and a return for Saurabh Tiwary

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.