भारत विरुद्ध न्यूझीलंड यांच्यातल्या तिसऱ्या सामन्यात दोन्ही संघांकडून तोडीस तोड खेळ पाहायला मिळाला. फॉर्मात परतलेल्या रोहित शर्माची फलंदाजी पाहण्यासारखी होती. त्याला लोकेश राहुल व विराट कोहली यांच्याकडून चांगली साथ मिळाली. त्या जोरावर टीम इंडियानं 5 बाद 179 धावा उभ्या केल्या. किवींच्या मार्टीन गुप्तील आणि कॉलीन मुन्रो यांनी सावध सुरुवात केली, परंतु टीम इंडियाच्या गोलंदाजांनी त्यांना माघारी पाठवून सामन्यात चुरस निर्माण केली. पण, कर्णधार केन विलियम्सननं चिवट खेळ करताना सामना किवींच्या बाजूनं झुकवला. केननं 48 चेंडूंत 8 चौकार व 6 षटकारांसह 95 धावा केल्या. पण, शमीनं अखेरच्या षटकांत अव्वल गोलंदाजी करत सामना बरोबरीत सोडवला. त्यामुळे आता सुपर ओव्हरचा थरार पाहायला मिळणार आहे.
भारत विरुद्ध न्यूझीलंड यांच्यातल्या तिसऱ्या ट्वेंटी-20 सामन्यात नाणेफेकीचा कौल यजमानांच्या बाजूनं लागला. केन विलियम्सननं प्रथम क्षेत्ररक्षणाचा निर्णय घेताना टीम इंडिला फलंदाजीचे निमंत्रण दिले. लोकेश राहुल आणि रोहित शर्मा यांनी वादळी खेळी करताना पहिल्या विकेटसाठी 89 धावांची सलामी दिली. हे दोघेही माघारी परतल्यानंतर टीम इंडियाच्या धावांच्या सरासरीचा वेग थोडासा संथ झाला. पण, अखेरच्या षटकांत त्याची भरपाई केली.
पहिल्या दोन सामन्यात अपयशी ठरलेल्या रोहित शर्मानं आज दमदार फटकेबाजी केली. त्यानं लोकेश राहुलसह पहिल्या विकेटसाठी 5.3 षटकांतच अर्धशतकी भागीदारी केली. पॉवरप्लेमध्ये अर्धशतक झळकावणारा रोहित हा पहिलाच भारतीय फलंदाज ठरला. यापूर्वी शिखर धवननं 48 धावा केल्या होत्या. लोकेश 27 धावा करून माघारी परतला. विराट कोहलीन तिसऱ्या क्रमांकावर शिवम दुबेला पाठवले. रोहित 40 चेंडूंत 65 धावा करून बाद झाला. त्याच्या खेळीत 6 चौकार व 3 षटकारांचा समावेश होता. दुबेही ( 3) धावांवर बाद झाला. हॅमिश बेन्नेटनं एकाच षटकात या दोघांना माघारी पाठवले. विराट व श्रेयस अय्यर यांनी किवी गोलंदाजांचा समाचार घेतला. श्रेयस 17 धावांवर माघारी परतला. बेन्नेटनं 19व्या षटकात कोहलीला बाद केले. त्यानं 27 चेंडूंत 38 धावा केल्या. भारतानं 20 षटकांत 5 बाद 179 धावा केल्या.
लक्ष्याचा पाठलाग करताना मार्टिन गुप्तील आणि कॉलीन मुन्रो यांनी संयमी सुरुवात केली. ही जोडी तोडण्यासाठी कोहलीनं पहिल्या सहा षटकांत चार गोलंदाज वापरले. पॉवर प्लेच्या अखेरच्या षटकात शार्दूल ठाकूरनं टीमला पहिले यश मिळवून दिलं. त्यानं गुप्तीलला 31 धावांवर संजू सॅमसनकरवी झेलबाद करून माघारी पाठवले. पहिल्या पॉवर प्लेमध्ये किवींनी 1 बाद 51 धावा केल्या. पुढच्याच षटकात रवींद्र जडेजानं किवींना दुसरा धक्का दिला. मुन्रो ( 14) यष्टिचीत झाला.
डावाच्या दहाव्या षटकात किवींना तिसरा धक्का बसला असता, परंतु रवींद्र जडेजानं सोपा झेल सोडला. जसप्रीत बुमराहच्या गोलंदाजीवर मिचेल सँटनरचा झेल जडेजाच्या हातून सुटला. पण, त्याची कसर युजवेंद्र चहलनं भरून काढली. त्यानं सँटनरला ( 9) त्रिफळाचीत केले. केन विलियम्सन आणि कॉलीन डी ग्रँडहोम यांनी चौथ्या विकेटसाठी 49 धावांची भागीदारी करत संघाच्या विजयाच्या आशा पल्लवीत ठेवल्या होत्या. पण, शार्दूलनं 16व्या षटकात ग्रँडहोमला बाद करून ही जोडी तोडली. केननं जसप्रीत बुमराहच्या गोलंदाजीवर सलग तीन चौकार मारून किवींवरील दडपण काहीसा हलका केला. पण, शनीनं न्यूझीलंडच्या तोंडचा घास पळवला. त्यानं किवींना 6 बाद 179 धावांवर रोखले.
IND vs NZ, 3rd T20I : रोहित शर्मानं मोडला सचिन तेंडुलकरचा unique विक्रम
IND Vs NZ, 3rd T20I : विराट कोहलीनं 'कॅप्टन कूल' धोनीचा विक्रम मोडला, ठरला टीम इंडियाचा अव्वल कर्णधार
IND Vs NZ, 3rd T20I : रोहित शर्माची 'पॉवर'; केला कोणत्याच भारतीयाला न जमलेला पराक्रम
IND Vs NZ, 3rd T20I : रोहित शर्मा दस हजारी मनसबदार; हा शिखर सर करणारा चौथा भारतीय
... तर आशिया कप खेळणार नाही, पाकच्या इशाऱ्याला बीसीसीआयचे जशासतसे उत्तर
IND Vs NZ : नवदीप सैनीसाठी शार्दूल ठाकूर त्याग करणार? आज टीम इंडियात हे अंतिम शिलेदार खेळणार?
U19WC: कामगाराच्या मुलाची कमाल, टीम इंडियाच्या विजयाच उचलला सिंहाचा वाटा
नीरज चोप्राची अभिमानास्पद कामगिरी; दुखापतीतून सावरला अन् पटकावलं 2020 ऑलिम्पिक तिकीट
Breaking : सायना नेहवालचा भाजपात प्रवेश
Web Title: India vs New Zealand, 3rd T20I : Kane Williamson smash 95 run; but, Match tied! now Super Over!
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
