भारत विरुद्ध न्यूझीलंड यांच्यातील तिसरा ट्वेन्टी-२० सामना चांगलाच रंगतदार झाला. हा सामना भारताने सुपर ओव्हरमध्ये जिंकला. या सामन्यातील विजयासह भारताने न्यूझीलंडमध्ये इतिहास रचल्याचे पाहायला मिळाले आहे. कारण न्यूझीलंडमध्ये पहिल्यांदाच भारताला हा पराक्रम करता आला आहे.
भारत विरुद्ध न्यूझीलंड यांच्यातल्या तिसऱ्या सामन्यात दोन्ही संघांकडून तोडीस तोड खेळ पाहायला मिळाला. फॉर्मात परतलेल्या रोहित शर्माची फलंदाजी पाहण्यासारखी होती. त्याला लोकेश राहुल व विराट कोहली यांच्याकडून चांगली साथ मिळाली. त्या जोरावर टीम इंडियानं 5 बाद 179 धावा उभ्या केल्या. किवींच्या मार्टीन गुप्तील आणि कॉलीन मुन्रो यांनी सावध सुरुवात केली, परंतु टीम इंडियाच्या गोलंदाजांनी त्यांना माघारी पाठवून सामन्यात चुरस निर्माण केली. पण, कर्णधार केन विलियम्सननं चिवट खेळ करताना सामना किवींच्या बाजूनं झुकवला. पण, मोहम्मद शमीनं सामन्याला कलाटणी दिली. त्याच्या अव्वल गोलंदाजीमुळे सामना सुपर ओव्हरमध्ये गेला. त्यात रोहितनं अखेरच्या दोन चेंडूवर षटकार खेचून भारताला ऐतिहासिक विजय मिळवून दिला. भारतानं पहिल्यांदाच न्यूझीलंडला त्यांच्या घरच्या मैदानावर ट्वेंटी-20 मालिकेत पराभूत केले. टीम इंडियानं मालिकेत 3-0 अशी विजयी आघाडी घेतली आहे.
न्यूझीलंडमध्ये भारतीय संघ यापूर्वी दोन ट्वेन्टी-२० सामन्यांच्या मालिका खेळला होता. न्यूझीलंडमध्ये भारतीय संघ पहिल्यांदा २००८ साली पहिली ट्वेन्टी-२० मालिका खेळला होता. या मालिकेत भारताला एकही सामना जिंकता आला नव्हता. त्यानंतर न्यूझीलंडमध्ये भारतीय संघ २०१८ साली दुसऱ्यांदा ट्वेन्टी-२० मालिका खेळवण्यात आली. या मालिकेत भारतीय संघाने एक सामना जिंकला, पण त्यांना मालिका १-२ अशी गमवावी लागली होती.
यंदा न्यूझीलंडमध्ये भारतीय संघ तिसरी ट्वेन्टी-२० मालिका खेळत आहे. न्यूझीलंडमधली ही पहिली भारताची पाच ट्वेन्टी-२० सामन्यांची मालिका आहे. या मालिकेतील पहिल्या तिन्ही लढती भारताने जिंकल्या आहेत. त्याचबरोबर भारताने या मालिकेत ३-० अशी विजयी आघाडी घेतली आहे. हा भारताचा न्यूझीलंडमधील पहिला ट्वेन्टी-२० मालिका विजय आहे.
भारत विरुद्ध न्यूझीलंड यांच्यातील तिसरा ट्वेन्टी-२० सामना चांगलाच रंगला. या सामन्यात सर्वाधिक धावा केल्या त्या न्यूझीलंडचा कर्णधार केन विल्यमसनने. भारताच्या १८० धावांचा पाठलाग करताना विल्यमसनने दमदार फलंदाजी केली. विल्यमसन ९५ धावांवर बाद झाला. पण ९५ धावांवर बाद होऊनही या सामन्यात विल्यमसनचे शतक पाहायला मिळाले. तुम्हाला या गोष्टीवर विश्वास बसत नसेल, पण असेल घडल्याचे पाहायला मिळाले आहे...
न्यूझीलंडचा संघ हा सामना सहज जिंकेल, असे बऱ्याच जणांना वाटले होते. कारण अखेरच्या षटकात न्यूझीलंडचा जिंकायला ९ धावांची गरज होती. षटकाच्या सुरुवातीलाच एक षटकारीही आला होता. पण मोक्याच्या क्षणी विल्यमसन बाद झाला. त्यानंतर अखेरच्या चेंडूवर रॉस टेलर आऊट झाला आणि सामना सुपर ओव्हरमध्ये गेला.
सामन्याच्या ४०व्या षटकात विल्यमसन ९५ धावांवर बाद झाला, तर मग त्याने शतक कसे झळकावले , हा प्रश्न तुम्हाला पडला असेल. न्यूझीलंडच्या डावात विल्यमसनने ९५ धावा केल्या. त्यानंतर खेळवण्यात आलेल्या सुपर ओव्हरमध्ये त्याने ११ धावा केल्या. ९५ आणि ११ धावा मिळून विल्यमसनने या सामन्यात एकूण १०६ धावा केल्याचे पाहायला मिळाले.
भारत विरुद्ध न्यूझीलंड यांच्यातल्या तिसऱ्या सामन्यात दोन्ही संघांकडून तोडीस तोड खेळ पाहायला मिळाला. फॉर्मात परतलेल्या रोहित शर्माची फलंदाजी पाहण्यासारखी होती. त्याला लोकेश राहुल व विराट कोहली यांच्याकडून चांगली साथ मिळाली. त्या जोरावर टीम इंडियानं 5 बाद 179 धावा उभ्या केल्या. किवींच्या मार्टीन गुप्तील आणि कॉलीन मुन्रो यांनी सावध सुरुवात केली, परंतु टीम इंडियाच्या गोलंदाजांनी त्यांना माघारी पाठवून सामन्यात चुरस निर्माण केली. पण, कर्णधार केन विलियम्सननं चिवट खेळ करताना सामना किवींच्या बाजूनं झुकवला. पण, मोहम्मद शमीनं सामन्याला कलाटणी दिली. त्याच्या अव्वल गोलंदाजीमुळे सामना सुपर ओव्हरमध्ये गेला. त्यात रोहितनं अखेरच्या दोन चेंडूवर षटकार खेचून भारताला ऐतिहासिक विजय मिळवून दिला. भारतानं पहिल्यांदाच न्यूझीलंडला त्यांच्या घरच्या मैदानावर ट्वेंटी-20 मालिकेत पराभूत केले. टीम इंडियानं मालिकेत 3-0 अशी विजयी आघाडी घेतली आहे.
भारत विरुद्ध न्यूझीलंड यांच्यातल्या तिसऱ्या ट्वेंटी-20 सामन्यात नाणेफेकीचा कौल यजमानांच्या बाजूनं लागला. केन विलियम्सननं प्रथम क्षेत्ररक्षणाचा निर्णय घेताना टीम इंडिला फलंदाजीचे निमंत्रण दिले. लोकेश राहुल आणि रोहित शर्मा यांनी वादळी खेळी करताना पहिल्या विकेटसाठी 89 धावांची सलामी दिली. हे दोघेही माघारी परतल्यानंतर टीम इंडियाच्या धावांच्या सरासरीचा वेग थोडासा संथ झाला. पण, अखेरच्या षटकांत त्याची भरपाई केली. रोहित 40 चेंडूंत 65 धावा करून बाद झाला. त्याच्या खेळीत 6 चौकार व 3 षटकारांचा समावेश होता. विराट व श्रेयस अय्यर यांनी किवी गोलंदाजांचा समाचार घेतला. श्रेयस 17 धावांवर माघारी परतला. बेन्नेटनं 19व्या षटकात कोहलीला बाद केले. त्यानं 27 चेंडूंत 38 धावा केल्या. भारतानं 20 षटकांत 5 बाद 179 धावा केल्या.
Web Title: IND Vs NZ: India creates history in New Zealand; For the first time, this feat was done ...
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
