LICची जीवन शांती योजना(Jeevan Shanti Scheme) ही एक विशेष योजना आहे, ज्यात आगामी काळात मोठे बदल केले जाऊ शकतात. ही योजना गुंतवलेल्या पैशांवर खूप चांगले व्याजदर देते, परंतु आता ते कमी होण्याची शक्यता आहे. LICचे म्हणणे आहे की, त्यांचे व्याजदर बँकांच्या तुलनेत कमी आहेत, परंतु आता स्टेट बँक ऑफ इंडियाचा व्याजदर 5.6% एवढा खाली आला आहे, त्यामुळे येणार्‍या काळात हे दर आणखी कमी होऊ शकतात. 31 जुलैपर्यंत या पॉलिसीची विक्री करण्याच्या सूचना असल्याचे स्पष्ट करण्यात आलं आहे, 1 ऑगस्टपासून त्यात मोठा बदल होईल, अशी अपेक्षा आहे.
आपण किती वर्षे गुंतवणूक करू शकता
ही पॉलिसी सर्वसामान्यांना भविष्यातील सुरक्षा देते. या पॉलिसीमध्ये एकदाच गुंतवणूक केल्यावर आपल्याला ताबडतोब पेन्शन मिळणे सुरू होईल. यात आपण 5, 10, 15 किंवा 20 वर्षांनंतर प्रारंभ करू शकता. नंतर पेन्शन सुरू होईल, आपल्याला अधिक फायदा होईल.
आपल्याला कसं मिळणार 15 टक्के व्याज?
5, 10, 15 आणि 20 वर्षांच्या पॉलिसीसाठी वेगवेगळे व्याज उपलब्ध आहे. हा व्याजाचा दर 5.6% ते 15% पर्यंत असू शकतो. जर तुम्ही ताबडतोब पेन्शन घेणे सुरू केले, तर तुम्हाला कमी व्याज मिळेल, पण जर तुम्ही २० वर्षांनंतर पेन्शन सुरू केली, तर तुम्हाला त्यावर 15% व्याज मिळू शकेल.
किती गुंतवणूक आवश्यक आहे?
एलआयसीच्या जीवन शांती योजनेत किमान दीड लाख रुपये गुंतवणूक करणे आवश्यक आहे. त्यात गुंतवणूक करण्याची कोणतीही कमाल मर्यादा नाही. तुमच्या सोयीनुसार तुम्ही एकाच वेळी 5 लाख किंवा 10 लाख किंवा त्याहून अधिक रक्कम जमा करू शकता.
पॉलिसी घेण्याची अट कोणती?
जो कोणी ही पॉलिसी घेत आहे, त्यांचे वय किमान 30 वर्षे असले पाहिजे. दुसरीकडे आपणास त्वरित पेन्शन मिळणे सुरू करायचे असेल तर आपले जास्तीत जास्त वय 85 वर्षे असावे.
आपण ही पॉलिसी कशी घेऊ शकता?
आपण ही पॉलिसी ऑनलाइन किंवा ऑफलाइन दोन्ही पद्धतीनं घेऊ शकता. ऑफलाइनसाठी आपणास ही पॉलिसी एजंटद्वारे मिळेल, जर आपण ऑनलाइन पर्याय निवडले तर आपण स्वतः जीवन विमा कॉर्पोरेशनच्या वेबसाइटवर जाऊन ही पॉलिसी घेऊ शकता.
हेही वाचा
CoronaVirus News: विधानसभा अध्यक्षांच्या स्वीय सहाय्यकाला कोरोना, अधिवेशनाच्या तोंडावर खळबळ
सोने-चांदीच्या किमतीत मोठी वाढ; पहिल्यांदाच चांदी किलोमागे ६१ हजार रुपयांच्या पार
लडाखच्या LACवर चीनच्या हालचालींवर 'भारत' ड्रोनच्या मदतीनं ठेवणार नजर; जाणून घ्या खासियत
म्युच्युअल फंडाची जबरदस्त योजना; रातोरात वाढणार संपत्ती, जाणून घ्या...
चीनमधून बाहेर पडणाऱ्या जपानी कंपन्या भारतात येण्याच्या तयारीत; UPमध्ये मोठा रोजगार उपलब्ध होणार
कार अन् बाइक Insuranceशी संबंधित नियम बदलणार, १ ऑगस्टपासून लागू होणार
UPPCLमध्ये बंपर भरती; १०वी पासही करू शकतात अर्ज, थेट सातव्या आयोगानुसार मिळणार पगार
फक्त बँकाच नव्हे, तर 'या' कंपन्यांनाही मोदी सरकार विकण्याच्या तयारीत; असा आहे 'प्लॅन'
देशात राहणार आता फक्त ५ सरकारी बँका; मोदी सरकार भागीदारी विकणार