Gold Rate Today: सराफा बाजारात आज सोन्याची चमक पुन्हा एकदा वाढली. २४ कॅरेट सोन्याचा भाव ३,५१५ रुपयांनी वाढून १,५५,५९३ रुपये प्रति १० ग्रॅम वर उघडला. जीएसटीसह सोन्याची किंमत आता १,६०,२६० रुपयांवर पोहोचली. जरी आज दरात वाढ झाली असली, तरी सोनं अद्याप त्याच्या 'ऑल टाइम हाय' (१,७६,१२१ रुपये) पेक्षा २०,५२८ रुपयांनी स्वस्त आहे. सोन्यासोबतच प्लॅटिनमच्या दरातही ३,११२ रुपयांची उडी पाहायला मिळाली असून तो ६६,८५२ रुपयांवर पोहोचलाय.
कॅरेटनुसार सोन्याचे ताजे दर
'आयबीजेए' (IBJA) नं जाहीर केलेले विविध कॅरेटचे दर खालीलप्रमाणे आहेत:
२३ कॅरेट: ३,५०१ रुपयांच्या वाढीसह १५,४,९७० रुपये (जीएसटीसह: १,५९,६१९ रुपये).
२२ कॅरेट: ३,२२० रुपयांच्या वाढीसह १,४२,५२३ रुपये (जीएसटीसह: १,४६,७९८ रुपये).
१८ कॅरेट: २,६३६ रुपयांच्या वाढीसह १,१६,६९५ रुपये (जीएसटीसह: १,२०,१९५ रुपये).
१४ कॅरेट: २,०५६ रुपयांच्या वाढीसह ९१,०२२ रुपये (जीएसटीसह: ९३,७५२ रुपये).
सरकार जुने एचआरए नियम बदलण्याच्या विचारात! तुमच्या इनहँड सॅलरीमध्ये होऊ शकते मोठी वाढ
फेब्रुवारी महिन्यातील सोन्याची वाटचाल
फेब्रुवारी महिन्यात सोन्याच्या दरात मोठ्या प्रमाणात चढ-उतार पाहायला मिळाले:
- १ फेब्रुवारी: सोन्याचा दर १७,०९८ रुपयांनी कोसळून १,४८,६९७ वर आला होता.
- ३ फेब्रुवारी: २,७८३ रुपयांच्या वाढीसह १,५१,५२९ रुपयांवर पोहोचला.
- ४ फेब्रुवारी: ५,०९६ रुपयांची मोठी वाढ होऊन दर १,५६,६२५ रुपयांवर गेला.
- ५ फेब्रुवारी: पुन्हा ४,१२३ रुपयांची घसरण होऊन भाव १,५२,५०२ रुपयांवर स्थिरावला.
सोन्यातील या तेजीचं मुख्य कारण काय?
सोन्याच्या दरात झालेल्या या वाढीमागे जागतिक कारणं महत्त्वाची ठरली आहेत.
१. कमकुवत अमेरिकन डॉलर: डॉलरचा दर ४ फेब्रुवारीनंतरच्या नीचांकी पातळीवर आल्यानं सोन्याच्या किमतीला आधार मिळाला. डॉलर कमकुवत झाल्यामुळे परदेशी खरेदीदारांसाठी सोनं स्वस्त होतं, ज्यामुळे मागणी वाढते.
२. जपानमधील राजकीय घडामोडी: जपानमध्ये पंतप्रधान साने ताकाइची यांच्या निवडणूक विजयानंतर निर्माण झालेल्या परिस्थितीमुळे येन चलनावरील दबाव वाढला. अशा स्थितीत गुंतवणुकीचा सुरक्षित पर्याय म्हणून सोनं आणि इतर मौल्यवान धातूंना पसंती दिली जात आहे.