मेष - महत्त्वाची कामे सूर्यास्ताच्या नंतर हाती घ्या. त्यामुळे कमी अडचणी राहतील. विरोधकांच्या कारवाया कमी होतील. मात्र, आपण एकदमच बेफिकीर राहू नका. आरोग्याची काळजी घ्या. नोकरीत अनुकूल वातावरण राहील. घराकडे लक्ष द्याल.
वृषभ - महत्त्वाची कामे सूर्यास्ताच्या आत आटोपून घ्या. मुलांची प्रगती होईल, आरोग्याची काळजी घ्या. खाण्या पिण्याचे तंत्र सांभाळा. मौजमजा करण्याच्या दृष्टीने प्रवास घडून येईल, जीवनसाथीशी सूर जुळतील. नात्यात गोडवा राहील. व्यवसायात बरकत राहील.
मिथुन - धनलक्ष्मी तुमच्यावर प्रसन्न राहील. विविध मार्गानी पैसा मिळेल. भेटवस्तू प्राप्त होतील. महत्त्वाच्या कामात सफलता मिळेल. सूर्यास्ताच्या आत महत्त्वाची कामे आटोपून घेणे ठीक राहील. नोकरीत नवीन प्रकल्पासाठी तुमच्या नावाचा विचार केला जाईल.
कर्क- कुठल्या ना कुठल्या कामात आपण व्यस्त राहाल. काहींना जवळचा प्रवास घडून येईल. नोकरीत काही बदल होऊ शकतात. घरी अचानक पाहुणे येतील. जीवनसाथीशी मधुर संबंध राहतील. आर्थिक प्राप्तीचे प्रमाण चांगले राहील. भावंडांची ख्यालीखुशाली कळेल.
सिंह - आर्थिक प्राप्तीचे प्रमाण समाधानकारक राहील. मौजमजा करण्यासाठी पैसा खर्च केला जाईल. योग्य ठिकाणी पैसा खर्च होतोय की नाही याचा विचार करा. खाण्या- पिण्याची चंगळ राहील. भावंडांच्या भेटीगाठी होतील.
कन्या - आर्थिक आवक चांगली राहील. विविध प्रकारचे लाभ होतील. भेटवस्तू मिळतील. मित्र- मैत्रिणींना भेटण्याची संधी मिळेल. त्यांच्यासमवेत मौजमजा कराल. मनात आनंदी विचार राहतील. वडीलधाऱ्या मंडळींचा मान राखा. व्यवसायात भरभराट होईल.
तूळ - मनावरील ताण कमी होईल. मनात काही शंका-कुशंका असतील. वडीलधाऱ्या मंडळींचे मार्गदर्शन घ्या. नोकरीत अनुकूल वातावरण राहील. काहींना मोठी संधी मिळेल. कार्यक्षेत्रातील तणाव कमी होईल. व्यवसायात भरभराट होईल. आवडते छंद जोपासा.
वृश्चिक- महत्त्वाची कामे सूर्यास्ताच्या आत आटोपून घेतली तर बरे राहील. दिवसाची सुरुवात उत्साहात होईल. लोकांचे चांगले सहकार्य मिळेल, आर्थिक आवक चांगली राहील. मात्र, अनावश्यक खर्चाला आवर घातला पाहिजे. प्रवासात सतर्क राहा.
धनू - नोकरीत अनुकूल घटना घडतील. काही बदल होऊ शकतात. याकडे सकारात्मक दृष्टीकोन ठेवून पाहा. अनपेक्षितपणे पाहुणे येतील. काहीना अचानक धनलाभ होऊ शकतो. लोकांच्या भेटीगाठी होतील. त्यांच्यासाठी बराच वेळ द्यावा लागेल.
मकर - पर्यटनाची संधी मिळेल. आवडत्या लोकांच्या भेटीगाठी होतील. जीवनसाथीशी मधुर संबंध राहतील. भेटवस्तूंची देवाण-घेवाण होईल. तुमच्या नावलौकिकात भर पडणाऱ्या घटना घडतील. मुलांना चांगल्या संधी मिळतील. व्यवसायात मालाची विक्री चांगली होईल.
कुंभ - महत्वाची कामे सूर्यास्ताच्या नंतर हाती घ्या. आरोग्याची काळजी घ्या. चांगल्या लोकांच्या सहवासात राहा. तुमच्या माघारी तुमची निंदा करणाऱ्या लोकांना बाजूला ठेवा. वाहने जपून चालवा, व्यवसायात तुमची बाजू वरचढ राहील.
मीन - दिवसाची सुरुवात उत्साहात होईल. मनात सकारात्मक विचार राहतील. महत्त्वाची कामे सूर्यास्ताच्या आत आटोपून घ्या. प्रवासात सतर्क राहा. व्यवसायात अनुकूल परिस्थिती राहील. तुमचे अंदाज बरोबर ठरतील. वाहनाच्या वेगावर नियंत्रण ठेवा.
- विजय देशपांडे (ज्योतिषविशारद)