इनके पास है मेरा दिल...! अखेर अर्जुन कपूरनेही दिली मलायकावरच्या प्रेमाची कबुली!!

मलायका अरोरा व अर्जुन कपूर सध्या न्यूयॉर्कमध्ये सुट्टी एन्जॉय करताहेत. खरे तर याआधीही मलायका व अर्जुन हॉलीडेवर गेले आहेत. पण यंदाचा प्लान खास होता. हा प्लान सीक्रेट नव्हता तर खुल्लमखुल्ला प्रेमाची कबुली देणारा होता.

ठळक मुद्दे ‘दोनों तरफ लगी है आग बराबर...,’ असेच अर्जुन व मलायकाबद्दल म्हणता येईल.

मलायका अरोरा व अर्जुन कपूर सध्या न्यूयॉर्कमध्ये सुट्टी एन्जॉय करताहेत. अर्जुन कपूरच्या वाढदिवसानिमित्त दोघांनीही सुट्टीचा प्लान बनवला आणि दोघेही न्यूयॉर्कला रवाना झाले. खरे तर याआधीही मलायका व अर्जुन हॉलीडेवर गेले आहेत. पण यंदाचा प्लान खास होता. हा प्लान सीक्रेट नव्हता तर खुल्लमखुल्ला प्रेमाची कबुली देणारा होता. होय, मलायकाने यादरम्यान अर्जुनवरील आपल्या प्रेमाची जाहिर कबुली दिली. पाठोपाठ अर्जुननेही जाहिरपणे आपले प्रेम व्यक्त केले.

अर्जुनने त्याच्या इन्स्टाग्राम स्टोरीवर एक फोटो पोस्ट केला आहे. यात मलायका अरोरा एक हार्ट शेप पर्स घेऊन दिसतेय. मलायकाचा चेहरा यात दिसत नाही. पण पर्सआड लपलेला चेहरा मलायकाचाच आहे, हे सांगायची गरज नाही. अर्जुनने मलायकाचा हा फोटो शेअर करत, ‘इनके पास मेरा दिल है और मैं वाकई दिल की बात कर रहा हूं’, असे रोमॅन्टिक कॅप्शन दिले आहे.

आता अर्जुनच्या या पोस्टनंतर काहीही सांगण्याची गरज नाही. मलायकापाठोपाठ अर्जुनेही जाहिरपणे प्रेम व्यक्त केल्यानंतर आता कपूर कुटुंबात लवकरच सनई चौघडे वाजणार, असे तुम्हाला वाटत असेल तर असे नाही. कारण, सध्या माझा लग्नाचा कुठलाही विचार नाही, असे अर्जुनने कधीच सांगितले आहे.

माझी पर्सनल व प्रोफेशनल लाईफ चांगली सुरु आहे. आयुष्यात मी स्थिरावलो, असे मला वाटतेय. मी माझे खासगी आयुष्य कधीच लपवले नाही. त्यामुळे लग्नाचा बेत असेल तर तेही मी जगापासून लपवणार नाही, असे अर्जुन अलीकडे एका मुलाखतीत म्हणाला होता. एकंदर काय तर ‘दोनों तरफ लगी है आग बराबर...,’ असेच अर्जुन व मलायकाबद्दल म्हणता येईल.