Municipal Election Result 2026 News in Marathi | महानगरपालिका निवडणूक २०२६ मराठी बातम्या | Maharashtra Municipal Election 2026 Latest News Updates, Election Dates, Results & Winners List in Marathi | Maharashtra Election Marathi News

मुंबई - महापालिकाच्या निवडणुकीच्या तोंडावर मनसेचे माजी नगरसेवक संतोष धुरी यांनी पक्षाला रामराम करत भारतीय जनता पार्टीत प्रवेश केला. यावेळी धुरी यांनी मनसे पक्ष उद्धव ठाकरेंकडे सरेंडर झाला असा आरोप केला. मात्र धुरी यांच्या आरोपावरून आता उद्धवसेनेचे दादर-माहिम भागातील आमदार महेश सावंत यांनी धक्कादायक दावा केला आहे. संतोष धुरी यांना मनसेने आणि राज ठाकरेंनी नावारुपाला आणले. राज ठाकरेंनी त्यांना नगरसेवक बनवले, त्याआधी संतोष धुरी यांना कुणीही ओळखत नव्हते अशी टीका आमदार महेश सावंत यांनी केली.आमदार महेश सावंत म्हणाले की, संतोष धुरी हे भरकटलेले आहेत त्यामुळे काहीही आरोप करायचा आणि पक्ष सोडायचा हा त्यांचा धंदा आहे. राज ठाकरे यांचे त्यांच्यावर फार उपकार आहेत. दिल्या घरी सुखी राहा. त्याचा राजकारणाशी ५ पैशाचा गंध नव्हता. २०१२ साली आमच्या दोन शिवसैनिकांमध्ये मतविभागणी झाली आणि अवघ्या २०० मतांनी धुरी निवडून आला. त्याला या विभागात कुणी ओळखत नव्हते. राज ठाकरेंनी त्यांच्या डोक्यावर हात ठेवला म्हणून ते नगरसेवक झाले. २०१७ साली त्याने काय केले विचारा, मी अपक्ष उभा राहून मला ८५०० मते मिळाली आणि संतोष धुरी यांना साडे पाच हजार मते पडली. त्यावेळी कुणासोबत साटेलोटे करून त्यांनी निवडणुकीतून अंग बाहेर काढले होते ते त्यांना विचारा असा आरोप त्यांनी केला.तसेच राज ठाकरे यांनी पूर्ण विश्वासाने तुम्हाला तिकीट दिले होते मात्र तुम्ही तेव्हा कुणासोबत सेटलमेंट केली हे त्यांना विचारा. त्यानंतर लगेच आदर्श नगरमध्ये खोली घेतली, दुकाने घेतली हा पैसा कुठून आला? मी डायरेक्ट राजसाहेबांना बोललो, याला तिकीट देऊ नका. हा पुन्हा सेटलमेंट करेल आणि आपली सीट पाडून टाकेल. एखाद्याला पैशांची चटक लागली तर त्याला पक्षाशी एकनिष्ठता वैगेरे काही नसते. आमच्याकडे काही नसताना माजी आमदार सरवणकर यांच्याविरोधात लढलो. आमच्याकडे जिद्द होती. लोकांचे पाठबळ होते असंही आमदार महेश सावंत यांनी म्हटलं.दरम्यान, संतोष धुरी कुठे निवडून आले असते, २०१७ साली ते पडले होते. त्यामुळे धुरी यांनी बडबड करू नये. त्यांचा आमच्या येथील वार्डाशी काय संबंध नाही. तो वरळीला असायचा. वार्डात काम करत असेल तर कोणती बिल्डिंग कुठे आहे ते सांगावे. लोकांची कामे केली नाहीत त्याने माझ्या समोरासमोर बसून सांगावे. संतोष धुरीला तिकीट द्यायला माझा विरोध होताच. संतोष धुरी फक्त नावाला नगरसेवक होते. त्यांनी ५ वर्षात काय कमावले आणि कुठल्या कुठल्या बिल्डरकडून घेतले त्याची यादी आमच्याकडेही आहे. त्याने ५ वर्षात विभागात काय काम केले, कुठल्या लोकांची कामे केली हे सांगावे असं आमदार महेश सावंत यांनी विचारले.

Municipal Election 2026 News in Marathi | महानगरपालिका निवडणूक २०२६ मराठी बातम्याFOLLOW

Municipal election, Latest Marathi News

महाराष्ट्र :उल्हासनगरात गुन्हेगारांना उमेदवारी; कुणावर अपहरण तर कुणावर खुनाचे गंभीर आरोप

अजित पवारांना सल्ला देण्याइतका मी मोठा नाही; पण त्यांनी समन्वय समितीत ठरल्याप्रमाणे वागायला हवे होते. ...

महाराष्ट्र :"आम्ही सुधारणार नाही’ हीच निवडणूक आयोगाची भूमिका"; 'बिनविरोध'च्या मुद्द्यावर काँग्रेसची टीका

कोल्हापूर :Kolhapur Municipal Election 2026: दहा तास मतदान प्रक्रिया सुरू राहणार; चार सदस्य निवडण्याची प्रथमच संधी

मतदान आणि मतमोजणी या दोन्ही टप्प्यांवरील तयारी करण्यात यंत्रणेतील सर्व कर्मचारी व्यस्त ...

कोल्हापूर :Kolhapur Municipal Election 2026: उमेदवार दक्ष...१८ प्रभागांमध्ये गणित बिघडवणार अपक्ष

तिरंगी, चौरंगी लढतीचे चित्र ...

छत्रपती संभाजीनगर :बिल वसुलीत अडथळा आणणाऱ्या नेत्यांची तक्रार थेट निवडणूक आयोगाकडे, महावितरणचा इशारा

राजकीय दबावाला महावितरण जुमानणार नाही; पोलिसांच्या बंदोबस्तात वीज बिल वसुली जोरात ...

महाराष्ट्र :"वीर सावरकरांचा विरोध आम्हाला मान्य नाही, अजित पवारांनी..."; देवेंद्र फडणवीसांचे सडेतोड मत

Devendra Fadnavis on Ajit Pawar Veer Savarkar: अजित पवारांना सावरकरांचे विचार मान्य करावेच लागतील, असे आशिष शेलार म्हणाले होते ...

मुंबई :"मी राजसाहेबांना डायरेक्ट बोललो, याला तिकीट देऊ नका, कारण..."; आमदार महेश सावंतांचा गंभीर दावा