Municipal Election Result 2026 News in Marathi | महानगरपालिका निवडणूक २०२६ मराठी बातम्या | Maharashtra Municipal Election 2026 Latest News Updates, Election Dates, Results & Winners List in Marathi | Maharashtra Election Marathi News

पुणे : शिंदे सेना, रिपाइंला सोबत घेऊन युतीच्या माध्यमातून महापालिका निवडणूक लढवण्याचा सुरुवातीपासूनच आमचा प्रयत्न आहे. आजही आम्ही युतीसाठी आशावादी आहोत. मुख्यमंत्री देवेंद्र फडणवीस आणि उपमुख्यमंत्री एकनाथ शिंदे याबाबत जो निर्णय देतील तो आम्हाला मान्य असेल. मात्र, एका नगरसेवकाच्या जिवावर ते सर्व जागा लढायची भाषा करतात, असा टोला केंद्रीय राज्यमंत्री मुरलीधर मोहोळ यांनी शिंदे सेनेच्या नेत्यांना लगावला आहे. महापालिका निवडणुकीच्या पार्श्वभूमीवर भाजपने सुरू केलेल्या मीडिया सेंटरचे उद्घाटन गुरुवारी मोहोळ यांच्या हस्ते झाले. यावेळी आयोजित केलेल्या पत्रकार परिषदेमध्ये मोहोळ बोलत होते. यावेळी उच्च व तंत्र शिक्षणमंत्री चंद्रकांत पाटील, आमदार योगेश टिळेकर, प्रवक्ते केशव उपाध्ये, माजी मंत्री दिलीप कांबळे, प्रदेश सरचिटणीस राजेश पांडे, माजी आमदार जगदीश मुळीक उपस्थित होते.अजित पवारांवर टीका राष्ट्रवादी कॉंग्रेससह भाजपकडून पुण्यातील गुन्हेगार आणि त्यांच्या कुटुंबीयांना उमेदवारी देण्यात आल्या आहेत. यासंदर्भात विचारलेल्या प्रश्नावर बोलताना मोहोळ म्हणाले, कोयता गँग संपली पाहिजे, शहरातील गुन्हेगारी संपली पाहिजे, असे जिल्ह्याचे पालकमंत्री अजित पवार म्हणतात. मात्र, त्यांच्या उमेदवारांची यादी पाहिली तर या टोकापासून त्या टोकापर्यंत त्यांनी गुन्हेगारांना उमेदवारी दिली आहे. हे त्यांच्या कोणत्या तत्त्वात बसते, कळत नाही. गुन्हेगारांना उमेदवारी दिल्याने पुण्यातील गुन्हेगारी वाढणार आहे, त्यामुळे पुणेकर मतदानातून त्यांना उत्तर देतील. गुन्हेगारांना उमेदवारी देण्याबाबत आम्ही सकारात्मक नाही. वॉर्ड क्रमांक ३८ मध्ये प्रतिभा रोहिदास चोरघे या अनेक वर्षेे सामाजिक काम करत आहेत. त्यामुळे त्यांना आम्ही उमेदवारी दिली आहे. त्यांच्या पतीची गुन्हेगारी पार्श्वभूमी मला माहीत नाही. पालकमंत्री म्हणतात शहरातील गुन्हेगारी संपली पाहिजे आणि दुसरीकडे गुन्हेगारांना उमेदवारी देतात, ते त्यांच्या कोणत्या तत्त्वात बसते कळत नाही. त्यामुळे पुणेकर मतदानातून त्यांना उत्तर देतील.कामाच्या जोरावर पुणेकर आम्हाला मते देतीलकेंद्र, राज्य आणि महापालिकेतील सत्तेच्या माध्यमातून आम्ही पुण्यासाठी अनेक प्रकल्प दिले. अनेक प्रकल्प पूर्ण झाले असून काही प्रकल्पांची कामे सुरू आहेत. या कामाच्या जोरावर महापालिकेच्या निवडणुकीत पुणेकर आम्हाला मते देतील, असा विश्वासही मोहोळ यांनी व्यक्त केला.

Municipal Election 2026 News in Marathi | महानगरपालिका निवडणूक २०२६ मराठी बातम्या, मराठी बातम्याFOLLOW

Municipal election, Latest Marathi News

धुळे :मतदान करा आणि सवलत मिळवा; मनपाची 'व्होटर डिस्काउंट' संकल्पना

मतदानाची टक्केवारी वाढवण्यासाठी महापालिकेचे आयुक्त नितीन कापडणीस यांची नवी खेळी ...

मुंबई :“मोहन भागवत हिंदीत बोलतात, मराठीत बोलताना कधी ऐकले आहे का?”; संजय राऊतांची RSSवर टीका

Sanjay Raut On Mohan Bhagwat: मराठीच्या मुद्द्यावरून संजय राऊत यांनी मोहन भागवत यांना आव्हान दिले आहे. ...

अंबादास दानवे यांनी आपल्या पोस्टमध्ये प्रशासनाचा निषेध केला. ...

कोल्हापूर :कोल्हापुरात महायुती उद्या प्रचाराचा नारळ फोडणार, मुख्यमंत्री फडणवीस यांचा १२ जानेवारीला प्रचार दौरा

इचलकरंजीत मुख्यमंत्र्यांचा उद्या 'रोड शो' ...

ठाणे :अंबरनाथमध्ये सत्ता स्थापनेसाठी काँग्रेस-शिंदेसेना एकत्र येणार?

पुणे :बंडखोरांना थंड करण्यासाठी राष्ट्रवादीचे प्रयत्न सुरु; फोनही लावले, १० ते १२ जण अजित पवारांच्या भेटील

शेवटच्या क्षणापर्यंत बंड थंड करण्यासाठी अजित पवारांचे प्रयत्न सुरु राहणार आहेत. ...

संपादकीय :होऊ घातलेल्या नगरसेवकांनो, या प्रश्नांची जाण आहे?

पुणे :एका नगरसेवकाच्या जिवावर ते सर्व जागा लढायची भाषा करतात; मोहोळ यांचा शिंदे सेनेच्या नेत्यांना टोला