Ganesh Utsav 2025 | Ganapati Utsav 2025 | Gharcha Ganapati | Ganesh Chaturthi 2025 | गणेश चतुर्थी २०२५ | Puja | Aarti | Decoration | Darshan| Videos | Photos | Recipes

सांगली : उत्सव काळात पोलिस प्रशासनाच्या सर्व गाड्यांवर कॅमेरे बसवण्यात येतील. गर्दीच्या ठिकाणी या वाहनातून मिरवणूक मार्गावर तसेच मिरवणुकीवर लक्ष ठेवण्यात येणार आहे. कोणीही कायदा मोडताना निदर्शनास आल्यास त्यांच्यावर तत्काळ गुन्हे दाखल होतील असा इशारा पोलिस अधीक्षक संदीप घुगे यांनी दिला आहे.आगामी गणेशोत्सव, ईद-ए-मिलाद निमित्त पोलिस अधीक्षक संदीप घुगे यांच्या मार्गदर्शनाखाली शहर विभागातील गणेश मंडळाचे अध्यक्ष व पदाधिकारी, शांतता कमिटी सदस्य, मोहल्ला कमिटी सदस्य, पोलिस मित्र, मुस्लीम समाजातील प्रतिष्ठित नागरिक आदींची बैठक सोमवारी सायंकाळी फल्ले मंगल कार्यालय सांगलीवाडी येथे झाली. अप्पर अधीक्षक कल्पना बारवकर, उपअधीक्षक विमला एम. यांची प्रमुख उपस्थिती होती.अधीक्षक घुगे म्हणाले, गणेशोत्सवामध्ये पारंपरिक वाद्यांचा वापर करून सांस्कृतिक कार्यक्रमांचे आयोजन करावे. पर्यावरणपूरक गणेशोत्सव साजरा करावा. पोलिस, महापालिका व सर्व शासकीय प्रशासन पूर्ण तयारीत आहे. सर्वोच्च न्यायालयाने दिलेल्या आदेशाप्रमाणे ध्वनी मर्यादेचे उल्लंघन केल्यास कारवाई केली जाईल. ‘नॉईज मीटर’ द्वारे नोंदणी केली जाईल. रस्त्यावर कोणत्याही मंडळाने स्टेज घालून रस्ता अडवू नये.यंदा पोलिसांच्या गाड्यांवरील कॅमेऱ्यातून मिरवणुकीवर लक्ष ठेवले जाईल. मिरवणूक मार्गामध्ये कोणीही बदल करू नये. गणेशोत्सव व ईद-ए-मिलाद हे दोन्ही सण एकत्रित आले आहेत. सामाजिक एकोपा निर्माण करण्यासाठी एक चांगली संधी आहे. उत्सव काळात पोलिस कंट्रोल विभाग २४ तास सक्षम असेल. कोणीही संपर्क साधल्यास तत्काळ मदत पोहोचवण्यात येईल. घरगुती गणपती विसर्जनासाठी कृत्रिम कुंडाचा वापर करावा.उपअधीक्षक विमला एम., पोलिस निरीक्षक संजय मोरे यांनी मार्गदर्शन केले. यावेळी माधुरी वसगडेकर, सनाउल्ला बावस्कर, मोसिन शेख, अक्रम शेख, अजित सूर्यवंशी, उदय मुळे, दीपक चव्हाण, असिफ बाबा यांनी अडीअडचणी सांगितल्या.एक खिडकी कार्यान्वितमहापालिकेचे अतिरिक्त आयुक्त राहुल रोकडे म्हणाले, महापालिकेत एक खिडकी कार्यान्वित केली आहे. सर्व परवानगी एकत्रित देण्याचे काम चालू आहे. महापालिका, पोलिस प्रशासन, सार्वजनिक बांधकाम, वीज वितरण व इतर परवानगी एकाच ठिकाणी मिळणार आहेत. मंडळांनी त्याचा लाभ घ्यावा.बैठकीत आरोग्य अधिकारी रवींद्र ताटे, तेजस शहा, वाहतूक शाखा निरीक्षक मुकुंद कुलकर्णी, संजयनगरचे निरीक्षक सुरज बिजली, विश्रामबागचे निरीक्षक सुधीर भालेराव, सांगली ग्रामीणचे निरीक्षक किरण चौगले, जिल्हा विशेष शाखेचे निरीक्षक भैरू तळेकर, सहायक निरीक्षक प्रफुल्ल कदम आदी उपस्थित होते.

Ganesh Mahotsav 2025 Celebration | गणेशोत्सव 2025 मराठी बातम्याFOLLOW

Ganesh mahotsav, Latest Marathi News

नागपूर :भारतीय रेल्वेची ऐतिहासिक घोषणा : पनवेल–चिपळूणदरम्यान ६ अनारक्षित विशेष गाड्याही

महाराष्ट्र :नैसर्गिक पाण्यात विसर्जित पीओपी गणेशमूर्ती दुसऱ्या दिवशी हलवा, पर्यावरण विभागाच्या सूचना

तब्बल १८ सूचनांचे परिपत्रक ...

मुंबई :“राज्य महोत्सव गणेशोत्सवाकरिता प्रत्येक शासकीय विभागाने सहभाग वाढवावा”: आशिष शेलार

पुणे :गणेशोत्सवात रात्री दोनपर्यंत धावणार मेट्रो; मध्यवर्ती भागातील कसबा, मंडई, स्वारगेट स्थानके सुरू राहण

मुंबई :जीएसबी सेवा मंडळाचा ४७४ कोटींचा विमा; यामध्ये भाविकांचाही समावेश, एसीमध्ये दर्शन मिळणार

मंडळाकडून देण्यात आलेल्या माहितीनुसार, न्यू इंडिया इन्शुरन्स कंपनीतर्फे हा विमा उतरवण्यात आला आहे. ...

महाराष्ट्र :कोकणात जाणाऱ्या गणेशभक्तांसाठी टोलमाफीची घोषणा; वाहनधारकांना कुठे मिळणार विशेष पास?

Ganeshotsav 2025 Toll-Free Passes: राज्य शासनाच्या या निर्णयाने कोकणात जाणाऱ्या हजारो गणेशभक्तांना त्याचा फायदा होणार आहे. ...

छत्रपती संभाजीनगर :पुष्पक विमानातून अवतरणार प्रभू श्रीराम; यंदाच्या गणेशोत्सवात कोणते देखावे पाहाल !

सांगली :सांगलीत पोलिस गाड्यांवरील कॅमेऱ्यातून मिरवणुकांवर नजर - पोलिस अधीक्षक

स्टेज मारून रस्ता अडवल्यास कारवाई ...