Ganesh Utsav 2025 | Ganapati Utsav 2025 | Gharcha Ganapati | Ganesh Chaturthi 2025 | गणेश चतुर्थी २०२५ | Puja | Aarti | Decoration | Darshan| Videos | Photos | Recipes

कणकवली : ' गणपती बाप्पा मोरया, मंगलमुर्ती मोरया' च्या जयघोषात आज, बुधवारी सिंधुदुर्गात ३२ ठिकाणी सार्वजनिक तर ६८ हजार ३२५ ठिकाणी घरगुती अशा एकूण ६८ हजार ३५७ ठिकाणी गणेशमूर्तीची स्थापना करून विधिवत पूजन करण्यात आले. यानिमित्ताने भक्तिमय वातावरण निर्माण झाले असून मोठ्या उत्साहात गणेशोत्सवाला प्रारंभ झाला आहे. या आनंदोत्सवात लहान थोर दंग झाल्याचे चित्र सर्वत्र पहायला मिळत आहे.सिंधुदुर्गसह कोकणात महत्वपूर्ण समजल्या जाणाऱ्या गणेशोत्सवाची तयारी गेल्या एक महिन्यापासून अधिक काळ सुरु होती. भाद्रपद महिना सुरु झाला आणि या तयारीने आणखीनच वेग घेतला होता. अखेर भाद्रपद शुध्द चतुर्थीला म्हणजेच बुधवारी गणरायाची भक्तीमय वातावरणात अनेक घरात स्थापना करण्यात आली.गणेशचतुर्थीच्या दिवशी होणारी तारांबळ टाळण्यासाठी काही ठिकाणी सोमवारी तर काही जणांनी काल, मंगळवारी श्री गणेश मूर्ती घरी आणून ठेवल्या होत्या. तर काही ठिकाणी आज, बुधवारी सकाळी गणरायाचे आगमन झाले. सकाळपासूनच गणरायाच्या पूजेसाठी अनेक घरात लहान थोर मंडळींची लगबग सुरु होती. ढोल, ताशांचा गजर जरी मोठ्या प्रमाणात ऐकू येत नसला तरी फटाक्यांची आतषबाजी अनेक ठिकाणी सुरू होती.श्री गणेश मुर्तीची स्थापना झाल्यानंतर विधिवत पूजन करण्यात आले. त्यानंतर आरतीही करण्यात आली. उकडीच्या एकविस मोदकांचा नैवेद्य गणरायाला अर्पण करण्यात आला. त्यानंतर सर्वांनी नैवेद्य प्रसाद म्हणून ग्रहण केला. तर सायंकाळी पुन्हा पूजन, आरती करण्याबरोबरच अन्य धार्मिक विधि करण्याचा परिपाठ सुरु झाला आहे. तो श्री गणेश मूर्ती विसर्जनापर्यंत सुरु राहाणार आहे.प्रत्येक घरात पारंपरिक पद्धतीने तसेच प्रत्येकाच्या रुढीनुसार दीड, पाच, सात, नऊ, अकरा, सतरा, एकोणिस, एकविस, बेचाळीस असा गणेशोत्सव साजरा होणार आहे. तर सार्वजनिक गणेशोत्सवाच्या ठिकाणी धार्मिक कार्यक्रमांबरोबरच सांस्कृतिक कार्यक्रम होणार आहेत. प्रशासनही कायदा व सुव्यवस्थेचा प्रश्न निर्माण होऊ नये यासाठी प्रयत्न करीत आहे.मृदंग, तबल्याच्या साथीने आरतीचे स्वर उमटले!घरोघरी विराजमान झालेल्या गणरायाचे दर्शन झाल्यानंतर अगदी आतुरतेने वाट पहाणाऱ्या लहान थोर मंडळींचा आनंद गगनात मावेनासा झाला. टाळ, ढोलकी, मृदंग, तबला, हार्मोनियम आदी वाद्यांच्या साथीने सर्वत्र सुमधुर आरतीचे स्वर गणेशोत्सवाच्या निमित्ताने अनेक घरात उमटले.पावसाच्या उघडीपीने दिलासा!श्री गणेश चतुर्थीच्या दिवशी सकाळ पासूनच पावसाने उघडीप दिल्याने भाविकांना दिलासा मिळाला. तसेच श्री गणेश मूर्ती घरी आणताना होणारी तारांबळ टाळता आली. त्यामुळे भाविकांमध्ये उत्साहाचे वातावरण होते.

Ganesh Mahotsav 2025 Celebration | गणेशोत्सव 2025 मराठी बातम्याFOLLOW

Ganesh mahotsav, Latest Marathi News

सखी :गणपतीला वाहिलेली जास्वंदाची फुलं फेकू नका... केसगळती थांबविण्यासाठी त्याचा उपयोग करा, बघा तो नेमका कसा

फिल्मी :मराठी सेलिब्रिटींच्या घरी गणरायाचं आगमन; पाहा, स्वप्नील जोशीच्या घरची बाप्पाची आरती

सोलापूर :मोठी बातमी! सोलापुरातील मशरूम गणपतीचा २८ तोळ्याचा कळस चोरीला, दुसऱ्यांदा घडली घटना

बाप्पाच्या प्रतिष्ठापने दिवशीच घडलेल्या प्रकाराने उडाली खळबळ ...

पुणे :गणपती बाप्पा मोरया! दगडूशेठचे बाप्पा श्री पंचकेदार मंदिरात विराजमान

क्रिकेट :सेहवाग, जडेजापासून ते डेव्हिड वॉर्नरपर्यंत अवघं क्रिकेट विश्व बापाच्या चरणी नतमस्तक

आज ३१ ऑगस्ट रोजी सर्वत्र लाडक्या बाप्पाचे आगमन होत आहे. ...

महाराष्ट्र :उत्कृष्ट सार्वजनिक गणेशोत्सव मंडळांना ५ लाखांचा पुरस्कार; राज्य सरकारची घोषणा

फिल्मी :यंदा पहिल्यांदाच गणपती बसवत नाही...; अभिनेत्री सोनाली कुलकर्णीची भावूक पोस्ट

सोनालीनं या पोस्टसोबत गेल्यावर्षीच्या गणेशोत्सवाच्या काही आठवणीतील फोटो शेअर केलेत. ...

सिंधुदूर्ग :सिंधुदुर्गात गणरायाचे थाटात आगमन!, सर्वत्र मंगलमय वातावरण

श्री गणेश चतुर्थीच्या दिवशी सकाळ पासूनच पावसाने उघडीप दिल्याने भाविकांना दिलासा मिळाला. ...