Ganesh Utsav 2025 | Ganapati Utsav 2025 | Gharcha Ganapati | Ganesh Chaturthi 2025 | गणेश चतुर्थी २०२५ | Puja | Aarti | Decoration | Darshan| Videos | Photos | Recipes

लोकमत न्यूज नेटवर्क, मुंबई : बेस्ट प्रशासनाने गणेशोत्सवापूर्वी ‘ बेस्ट बचाव अभियान’ अधिकाधिक मुंबईकरांपर्यंत पोहोचावे, यासाठी सार्वजनिक गणेश मंडळांना साद घातली होती. त्यामुळे अनेक गणेशोत्सव मंडळांनी ‘बेस्ट’ उपक्रमाला पाठिंबा देत बेस्ट बचाव अभियानाचे देखावे साकारले आहेत. बेस्टच्या स्वमालकीच्या बसचा कमी होत चाललेला ताफा आणि अल्पदरात उपलब्ध होणाऱ्या सार्वजनिक वाहतूक व्यवस्थेला लागलेली घरघर याबाबत जनजागृती करणारे फलक आणि आकर्षक देखावे साकारले आहेत.मुंबईकरांना विनाअडथळा वाहतूक सेवा देण्यासाठी ‘बेस्ट’ उपक्रमाच्या ताफ्यात स्वमालकीच्या किमान ३, ३३७ बस आवश्यक आहेत. मात्र, ‘बेस्ट’कडे स्वमालकीच्या १,०७८ बस शिल्लक आहेत. नव्या गाड्यांची वेळेत खरेदी केली नाही तर ‘बेस्ट’ सेवा डिसेंबर २०२५ नंतर संपुष्टात येऊ शकते. त्यामुळे मुंबईकरांच्या साथीने हे अभियान सुरू करण्यात आले आहे. ‘बेस्ट’ बस सेवेबाबत जनजागृती करणारे फलक आणि आकर्षक देखावे साकारण्यात आले आहेत. कुर्ला येथील ‘शिवशक्ती मित्र मंडळा’तर्फे बेस्ट बचाव अभियानाचा आकर्षक देखावा साकारला आहे. शिवाय, कुर्ला येथील क्रांतिनगर सार्वजनिक गणेशोत्सव मंडळ, बैल बाजार येथील सर्वोदय मित्र मंडळ, कुर्ला येथील तानाजी मित्र मंडळ, बजरंग सेवा संघ, कोपरखैरणे येथील एकदंत सार्वजनिक गणेशोत्सव मंडळ, माटुंगा येथील प्रगती नगर गणेशोत्सव मंडळ यांसह मुंबई, ठाणे, नवी मुंबईतील अनेक मंडळांनी बेस्ट बचाव अभियानाचे फलक मंडपात उभारले आहेत.२०१९ पासून निधीच नाही-१) ‘बेस्ट’ प्रशासनाने २०१८ सालानंतर एकही स्वमालकीची बस खरेदी केलेली नाही. सर्व बस आणि कामगार कंत्राटी पद्धतीने घेण्यात आले आहेत. २) नव्या गाड्या खरेदीसाठी महापालिकेने बेस्ट उपक्रमाला निधी पुरविणे आवश्यक आहे.३) मात्र, पालिकेने २०१९ पासून ‘बेस्ट’ उपक्रमाला नव्या गाड्यांच्या खरेदीसाठी एकदाही निधी दिलेला नाही. ४) या पुढेदेखील ही स्थिती कायम राहिल्यास मार्च २०२५ मध्ये बेस्ट उपक्रमाकडे स्वमालकीच्या ७७५, तर नोव्हेंबर २०२५ मध्ये ५५१ (८ टक्के) गाड्या शिल्लक राहतील, अशी भीती कामगार नेते शशांक राव यांनी व्यक्त केली आहे.

Ganesh Mahotsav 2025 Celebration | गणेशोत्सव 2025 मराठी बातम्या, मराठी बातम्याFOLLOW

Ganesh mahotsav, Latest Marathi News

फिल्मी :"बिग बॉस मराठी विनर..." या स्पर्धकासाठी 'मुंबईच्या राजा' चरणी चाहत्याचं साकडं; चिठ्ठीत असं काय लिहलं?

पुणे :गुलालाची उधळण, ढोल ताशा लेझीमचा गजर; मानाचा तिसरा पुण्याचा राजा गुरुजी तालीम मंडळाच्या मिरवणुकीचा जल्लोष

नादब्रह्म ढोल ताशा पथकाने आकर्षक वादन करत भाविकांचे लक्ष वेधून घेतले. ...

पुणे :रामजी की निकली सवारी, ठेका धरत मानाचा दुसरा श्री तांबडी जोगेश्वरीची जल्लोषात मिरवणूक सुरू

सकाळी १०:३० वाजता टिळक पुतळा (महात्मा फुले मंडई) येथून मुख्य विसर्जन मिरवणुकीला सुरुवात झाली. ...

कोल्हापूर :कोल्हापूरमध्ये शाहू छत्रपतींच्या उपस्थितीत श्री विसर्जन मिरवणुकीस प्रारंभ

श्री गणेशाचे पूजन करून कोल्हापुरातील गणेश विसर्जन मिरवणुकीला मंगळवारी सकाळी सव्वा नऊ वाजता प्रारंभ झाला. ...

पुणे :पुण्यात वैभवशाली मिरवणुकीला ढोल ताशांच्या गजरात सुरुवात; मानाचा पहिला कसबा गणपती समाधान चौकातून मार्गस्थ

पहिला गणपती कसबा गणपती असा जयघोष करत बाप्पा पालखीतून टिळक चौकाकडे मार्गस्थ झाला. ...

लोकमत शेती :Flower Market : पितृपक्षात फुलांचा भाव स्थिरावणार असून, दसऱ्याला फुलांचे भाव पुन्हा कडाडतील अशी शक्यता

भक्ती :Anant Chaturdashi 2024: बाप्पाला निरोप देताना उकडीचे मोदक करणार असाल तर फॉलो करा 'या' टिप्स!

मुंबई :गणेशोत्सवात ‘बेस्ट बचाओ’चा नारा; सार्वजनिक वाहतूक व्यवस्थेबाबत मंडळांचे जनजागृतीपर देखावे