Ganesh Chaturthi 2024: Date, Pooja Vidhi, Muhurta, Importance, History In Marathi | गणेश चतुर्थी: मुहूर्त, पूजा विधि, महत्व

बाप्पाचे आगमन म्हणजे सगळा आनंदाचा माहोल. मात्र आपल्या मनात काही गोष्टी सलत असतील तर आनंदात विरजण पडते. उत्सवाचा आनंद घेता येत नाही आणि एखाद्या चुकीसाठी बाप्पाही शिक्षा करेल ही मनात भीती राहते. यासाठी मनाचा गाभाराही स्वच्छ करणे जास्त महत्त्वाचे आहे. त्यासाठी ही प्रार्थना!आपल्या हातून पुण्य एकवेळ होणार नाही, पण दिवसभरात पापं अगणित होत असतात. आपण साधे श्वसन करतो, तेव्हा आपल्या श्वसन मार्गावाटे कितीतरी सूक्ष्म जीव जीवाणूंना त्रास होतो. आपल्या हातून कळत नकळत किडा मुंगी मारले जातात. चालता बोलता पायाखाली सूक्ष्म जीव मारले जातात. शिवाय आपल्याला अडथळा होणाऱ्या प्राण्यांचा कीटकांचा आपण खात्मा करतो, तो भाग वेगळा. यापलीकडे आपल्या बोलण्यातून, कृतीतून कितीतरी जण प्रत्यक्ष अप्रत्यक्ष दुखावले जातात. जाणून बुजून आपण ज्यांना दुखावतो, त्रास देतो ही त्यात आणखी एक भर. अशी जर रोजची यादी करायची ठरवली, तर आपल्या पापांचा घडा नुसता भरणार नाही, तर ओसंडून वाहील. जितकी पापं कळत नकळत पणे होतात, त्या पापांचे परिमार्जन व्हावे, घडा रिकामा व्हावा आणि तो आपल्या सत्कर्माने, पुण्याने भरावा, यासाठी आपल्याला बालपणी छान प्रार्थना शिकवली होती. तिचाच पुनर्वापर करावा. मोरया मोरया मी बाळ तान्हे, तुझीच सेवा करू काय जाणे अन्याय माझे कोट्यानु कोटी,मोरेश्वरा बा तू घाल पोटी।।हे गणराया, आमच्या कडून रोजच्या रोज कोट्यानुकोटी अपराध घडत आहेत. त्यांची संख्या कमी व्हायची सोडून वाढतच आहे. तसे झाले, तर आमच्या वाट्याला येणारे भोग सहन करता करता आमचे आयुष्य खर्च होईल. म्हणून तू मोठ्या मनाने, मोठ्या दिलाने आमचे अनंत अपराध तुझ्या पोटात घाल. आमच्या कर्माचा घडा रिता झाला, की आम्ही पुन्हा चांगल्या कार्याचा श्रीगणेशा करण्याचे तुला वचन देतो. प्रारंभी विनंती करू गणपती, विद्या दया सागरा, अज्ञानत्व हरोनि बुद्धी मती दे, आराध्य मोरेश्वरा,चिंता क्लेश दरिद्र दुख अवघे, देशांतरा पाठवी, हेरंबा गणनायका गजमुखा, भक्ता बहु तोषवी।।हे गणनायका, गजमुखा, बा हेरंबा, आमच्या हातून सत्कार्य घडावे म्हणून तुझ्या नावाने प्रत्येक गोष्टीचा प्रारंभ करतो. बुद्धी आम्हा सर्वांकडे आहेच, पण तिचा यथायोग्य वापर तू करून घे. साऱ्या विश्वाची चिंता, क्लेश, दारिद्र, दुःख तू दूर कर आणि सर्वांना सुखात, आनंदात ठेव. हे दान आमच्या पदरात टाकून आम्हाला संतुष्ट कर. इतक्या तन्मयतेने प्रत्येकाने आपल्या पापांची कबुली दिली आणि चांगले वागण्याची हमी दिली, तर बाप्पा आपली हाक का बरे ऐकणार नाही? गणपती बाप्पा मोरया!!!

गणेशोत्सव विधी, मराठी बातम्याFOLLOW

Ganesh festival rituals, Latest Marathi News

भक्ती :Ganesh Festival 2022: गणेश विसर्जन नेमके कितव्या दिवशी करणे धर्मशास्त्राला अपेक्षित आहे? जाणून घ्या!

भक्ती :गणेशोत्सव: गणेश चतुर्थीला करा गणपती अथर्वशीर्षाचे पारायण; १० नियम लक्षात ठेवा अन् चुका टाळा

सखी :बाप्पाच्या नैवेद्यासाठी १० मिनिटात करा ५ प्रकारचे मोदक; कमी वेळात नैवेद्य तयार

भक्ती :Ganesh Festival 2022: केवळ सण समारंभ नाही, तर भाद्रपद मासाची आहेत आणखीही अनेक वैशिष्ट्य; कोणती ते जाणून घ्या!

Ganesh Festival 2022: यंदा २८ ऑगस्ट पासून भाद्रपद महिना सुरू होत आहे. जाणून घेऊया सण उत्सवाचे विविध पदर! ...

भक्ती :Ganesh Utsav 2022 : हरितालिकेचे व्रत कुणीही करू शकतात, कुमारिका, सवाष्ण आणि विधवा स्त्रियासुद्धा!

भक्ती :Ganesh Utsva 2022: हरितालिकेचा आदला दिवस 'आवरणं' हा सण साजरा करतात; खाऊ, गप्पा, गाणी नुसती धमाल!

भक्ती :Ganesh Festival 2022: बाप्पाची आरती झाल्यावर मंत्रपुष्पांजली म्हणाल, त्याआधी तिचा अर्थदेखील नीट समजावून घ्या!

भक्ती :Ganesh festival 2022: बाप्पाने आपल्या चुका पदरात घेऊन मोठ्या मनाने घरी यावं म्हणून 'अशी' करा त्याची प्रार्थना!